ডিজিটেল সংবাদ,শিলচৰ : অৱশেষত মুকলি হ'ল ৬ নম্বৰ শিলচৰ -শ্বিলং ৰাষ্ট্ৰীয় ঘাইপথ। মেঘালয়ৰ সোণাপুৰত সংঘটিত ভূমিস্খলনৰ ফলত ৰাতিপুৱাৰে পৰা বন্ধ হৈ আছিল ঘাইপথচোৱা।
সোণাপুৰ সুৰংগৰ দুয়ো ফালে আৱদ্ধ হৈ আছিল শ শ যানবাহন। যাতায়ত বিচ্ছিন্ন হৈ পৰিছিল বৰাকসহ চুবুৰীয়া ৰাজ্য মণিপুৰ, মিজোৰাম আৰু ত্ৰিপুৰা। মেঘালয় গড়কাপ্তানি বিভাগৰ যুদ্ধকালীন তৎপৰতাৰ পিছত আবেলি মুকলি হ'ল পথছোৱা। প্ৰায় ১০ ঘণ্টা পাছত পথটোৰে আৰম্ভ হয় যান-বাহনৰ চলাচল।
