ডিজিটেল সংবাদ, কাজিৰঙাঃ এফালে গছপুলি ৰোপনেৰে বিশ্ব অভিলেখ ৰাজ্যৰ বন বিভাগ তথা চৰকাৰৰ। আনফালে বন বিভাগৰ অকৰ্মণ্যতাৰ বাবে অবাধ গতিত বন ধ্বংস কাজিৰঙাত৷
উল্লেখ্য যে, ক্ৰমে ধ্বংসৰ গৰাহলৈ কাজিৰঙাৰ আশীৰ্বাদস্বৰূপ কাৰ্বি পাহাৰ৷ কাৰ্বি পাহাৰৰ সেউজ ভূমিত এতিয়া বনদস্যুৰ হাতোৰা৷ এফালৰ পৰা ধ্বংস কৰা হৈছে মনোৰম সেউজীয়া কাৰ্বিপাহাৰ।
এফালে যদি পাহাৰত গছ কাটি তহিলং কৰা হৈছে আনফালে বণিকগোষ্ঠীৰ অতিথিশালা নিৰ্মাণৰ অঘোষিত প্ৰতিযোগিতা চলিছে ৷ এইবাৰ সুউচ্চ কাৰ্বিপাহাৰ ক্ৰয় কৰি বহিৰাগত বণিকগোষ্ঠীয়ে হোটেল নিৰ্মাণৰ প্ৰস্তুতি চলাইছে৷
ইতিমধ্যে এটা পাহাৰৰ বৃহৎ অংশত আৰম্ভ হৈছে বাউণ্ডেৰী ৱালৰ কাম৷ হাতীৰ সঘন আহ যাহ তথা বিচৰণভূমি হিচাপে পৰিগণিত হোৱা অঞ্চলটোত ওৱাল স্থাপন কৰা হৈছে৷ নিৰ্বিকাৰ বন বিভাগ-প্ৰশাসন,যাক লৈ তীব্ৰ প্ৰতিক্ৰিয়া অব্যাহত কাজিৰঙাত।
