দ্বিতীয়খন ফ্লাইবিগ বিমান সেৱাৰ শুভাৰম্ভ মন্ত্ৰী জয়ন্ত মল্লবৰুৱাৰ

ডিজিটেল ডেস্কঃ মন্ত্ৰী জয়ন্ত মল্লবৰুৱাই বৃহস্পতিবাৰে ফ্লাইবিগ বিমানৰ ফ্লেগ অফ কৰে। ৬৩ জন যাত্ৰীৰ সৈতে গুৱাহাটী-শিলচৰ-গুৱাহাটীৰ মাজত দ্বিতীয়খন ফ্লাইবিগ বিমান সেৱাৰ শুভাৰম্ভ কৰে মন্ত্ৰীগৰাকীয়ে।

এই ফ্লাইবিগ সেৱা গুৱাহাটী-ডিব্ৰুগড়-গুৱাহাটী আৰু গুৱাহাটী-শিলচৰ-গুৱাহাটীৰ মাজত পৰিচালনা কৰা হ'ব । ভিডিএ ফাণ্ডিঙৰ জৰিয়তে এটিডিচিএলে ফ্লাইবিগক সমৰ্থন কৰিব । লগতে দুয়োটা খণ্ডত বিমানৰ পৰিচালনা দুয়োপক্ষৰ দ্বাৰা পাৰস্পৰিকভাৱে সিদ্ধান্ত লোৱা হ'ব।

ইয়াৰ পূৰ্বে গুৱাহাটী-ডিব্ৰুগড়-গুৱাহাটী ফ্লাই বিগ চাৰ্ভিচ আছিল। ২০২৩ চনৰ ১ মে'ত ইয়াৰ ফ্লেগ অফ কৰা হৈছিল।

Also Read: ৰঙিয়াত স্কুল বাছ আৰু যাত্ৰীবাহী বাছৰ মুখামুখি সংঘৰ্ষ