ডিজিটেল সংবাদ, কামপুৰঃ কামপুৰত জাপানিজ এনকেফেলাইটিজত দ্বিতীয় জন লোক আক্ৰান্ত হৈ মৃত্যুক আঁকোৱালি লয় ৷ মৃত লোকজন কামপুৰৰ আটিকামপুৰৰ স্বৰাজ লস্কৰ বুলি জানিব পৰা গৈছে। মঙ্গলবাৰে জাপানিজ এনকেফেলাইটিজত আক্ৰান্ত হৈ কামপুৰত আন এগৰাকী মহিলাৰ মৃত্যু হৈছিল ।
জাপানিজ এনকেফেলাইটিজত আক্ৰান্ত হোৱাৰ পিছত স্বৰাজ লস্কৰ(৭০) গুৱাহাটী চিকিৎসা মহাবিদ্যালয়ত চিকিৎসাধীন হৈ আছিল ৷ লোকজনে শনিবাৰে চিকিৎসাধীন অৱস্থাতে মৃত্যুক সাৱতি লয়। উল্লেখ্য যে, স্বাস্থ্য বিভাগৰ তৰফৰ পৰা কামপুৰ অঞ্চলটোত ধোৱা দি ম'হ খেদাৰ চেষ্টা চলাইছে ৷
