জামুগুৰিহাটৰ টুপিয়াত লোকবাদ্য নিৰ্মাণ কৰ্মশালা...

ডিজিটেল ডেস্ক : জামুগুৰিহাটৰ টুপিয়া পাঁচ গাঁও ব'হাগী মেলাৰ এইবাৰ সোণালী জয়ন্তী বৰ্ষ উদযাপনৰ আয়োজন চলিছে৷ ইয়াৰ লগত সংগতি ৰাখি শণিবাৰে টুপিয়াত লোকবাদ্য যন্ত্ৰ নিৰ্মাণ কৰ্মশালাৰ শুভ উদ্ধোধন কৰে চতিয়া সমষ্টিৰ বিধায়ক পদ্ম হাজৰিকাই৷

জামুগুৰিহাটৰ বিশিষ্ট লোকবাদ্য শিল্পী নিলমনি শলালে কৰ্মশালাখনিত যুৱক-যুৱতী সকলক লোকবাদ্য নিৰ্মাণৰ কাৰিকৰী কৌশল প্ৰশিক্ষণ প্ৰদান কৰে৷ অহা ৮, ৯ আৰু ১০ মে'ত তিনি দিনীয়া বিস্তৃত কাৰ্যসূচীৰে আয়োজিত টুপিয়া পাঁচ গাঁও ব'হাগী মেলাৰ সোণালী জয়ন্তী বৰ্ষ উপলক্ষে ৮ মে'ৰ পুৱা সাহিত্য আৰু সাংস্কৃতিক প্ৰতিযোগীতা; ৯ মে'ৰ পুৱা বাৰেবৰণীয়া সংস্কৃতিক শোভাযাত্ৰাৰ পিছতে স্মৃতি গ্ৰন্থ উন্মোচন আৰু ভেশচন প্ৰতিযোগীতা, বিয়লি মূল সভা ও বঁটা বিতৰণি অনুষ্ঠান আৰু সাংস্কৃতিক অনুষ্ঠান অনুষ্ঠিত হ'ব ৷

আনহাতে ১০ মে'ত আলোচনাচক্ৰ অনুস্থিত হোৱাৰ পিছত জী-জোঁৱাই সন্মিলন ৷ সন্ধিয়া বাৰে বৰণীয়া সাংস্কৃতিক অনুস্থানৰ মূখ্য আকৰ্ষণ কন্ঠশিল্পী আচুৰ্য্য বৰপাত্ৰগোহাঁইৰ গীতৰ শৰাই অনুষ্ঠিত হ'ব।

Also Read: প্ৰশিক্ষণত নামিল অগ্নিবীৰৰ জোৱান: কি আৰ্হিৰে প্ৰদান কৰা হৈছে প্ৰশিক্ষণ...