ডিজিটেল সংবাদ, জামুগুৰিহাটঃ জামুগুৰিহাটৰ শান্তিপুৰত ফ'ৰলেণ্ড যুক্ত ৰাষ্ট্ৰীয় ঘাইপথত বুধবাৰে নিশাৰ ভাগত সংঘটিত হয় এক পথ দুৰ্ঘটনাত। তেজপুৰৰ পৰা বিশ্বনাথ চাৰিআলি অভিমুখে আহি থকা AS-01-DD-9988 নম্বৰৰ মালবাহী ট্ৰাকেখনে পথৰ মাজৰ ডিভাইদাৰত খুন্দা মৰাৰ ফলত এই দুৰ্ঘটনা সংঘটিত হয়।
অৱশ্যে কথমপি চালক আৰু হেন্দিমেনৰ প্ৰাণ ৰক্ষা পৰে।ৰাষ্ট্ৰীয় ঘাইপথৰ ওপৰত দুৰ্ঘটনাত পতিত ট্ৰাকখন হেলনীয়া হৈ পৰি থকাত ৰাষ্ট্ৰীয় ঘাইপথৰে অহা যোৱা কৰা অনান্য বাহনৰ চালকসকলো শংকিত হৈ পৰে।উল্লেখ্য যে জামুগুৰিহাটৰ শান্তিপুৰত ফ'ৰলেণ্ড যুক্ত ৰাষ্ট্ৰীয় ঘাইপথত ইয়াৰ পূৰ্বেও কেইবাটাও পথ দুৰ্ঘটনা সংঘটিত হৈছে।
