ডিজিটেল সংবাদ, গোলাঘাট: গোলাঘাটৰ জামুগুৰিত বৃহস্পতিবাৰে এটা নাহৰফুটুকী বাঘৰ আক্ৰমণত এজন গুৰুতৰভাৱে আহত হয়৷ প্ৰণৱ শইকীয়া নামৰ এজন যুৱকে নিজৰ খেতি-পথাৰত ব্যস্ত হৈ থকা অৱস্থাতে অতৰ্কিতে এটা বাঘে প্ৰণৱৰ ওপৰত জপিয়াই পৰে। বাঘৰ আক্ৰমণত ডিঙি, মূৰৰ লগতে দেহৰ কেইবাটাও অংশত আঘাতপ্ৰাপ্ত হয় যুৱকজন।
অৱশেষত ততাতৈয়াকৈ গোলাঘাট চিকিৎসালয়লৈ প্ৰেৰণ কৰা হয় প্ৰণৱক। ইফালে চিকিৎসা গ্ৰহণৰ অন্তত গোলাঘাট শিহৰণকাৰী ঘটনাৰ বৰ্ণনা কৰি প্ৰণৱ শইকীয়াই কয় যে, প্ৰায় ২ফুট আঁতৰৰ পৰাই বাঘটোৱে তেঁওক লক্ষ্য কৰি জপিয়াই পৰে। প্ৰথমে ডিঙিলৈ জাপ মৰাছিল যদিও প্ৰণৱে হাতখনেৰে আঁতৰাই দিয়াত পুনৰ প্ৰণৱ বগৰাই মূৰত আক্ৰমণ কৰে। শেষত প্ৰণৱে চিঞৰ-বাখৰ কৰাত বাঘটো আঁতৰি যায়।
