কাজিৰঙাত মুকলি চেল্ফি পইণ্টঃ পৰ্যটক আকৰ্ষণৰ লক্ষ্য...

ডিজিটেল সংবাদ কাজিৰঙাঃ প্ৰধানমন্ত্ৰী নৰেন্দ্ৰ মোডীৰ আগমনৰ প্ৰাকক্ষণত কাজিৰঙাত উদ্বোধন হ’ল আটকধুনীয়া চেলফি পইণ্ট ৷ বোকাখাত গ্ৰামোন্নয়ন বিভাগৰ উদ্যোগত কহঁৰাত নিৰ্মাণ হোৱা এই চেলফি পইণ্টটো উদ্বোধন কৰে কৃষিমন্ত্ৰী অতুল বৰা আৰু বনমন্ত্ৰী চন্দ্ৰমোহন পাটোৱাৰীয়ে ৷

চেলফি পইণ্ট মুকলি কৰি মন্ত্ৰী অতুল বৰাই উল্লেখ কৰে যে, যিহেতু কহঁৰা চাৰিআলি এলেকাটো পৰ্যটকৰ বাবে অতি গুৰুত্বপূৰ্ণ ৷ কহঁৰা চাৰিআলিৰ পৰা মাত্ৰ পাঁচশ মিটাৰমান দূৰত্বত প্ৰধানমন্ত্ৰীয়ে নৈশ যাপন কৰিব ৷ লগতে এই এলেকাটোৰ পৰাই ৰাষ্ট্ৰীয় উদ্যানৰ কহঁৰা বনাঞ্চল অগৰাতলি বনাঞ্চল আদিলৈ পৰ্যটকসকলৰ যাতায়াত আৰম্ভ হয় ৷ গতিকে কহঁৰা চাৰিআলিত নিৰ্মাণ কৰা চেলফি পইণ্টৰ যোগেদি দেশী-বিদেশী পৰ্যটকে কাজিৰঙাত নিজৰ স্মৃতি কেমেৰাত বন্দী কৰিবলৈ সক্ষম হ’ব ৷

আনহাতে বনমন্ত্ৰী চন্দ্ৰমোহন পাটোৱাৰীয়ে মন্তব্য কৰে যে, কাজিৰঙা ৰাষ্ট্ৰীয় উদ্যানত প্ৰধানমন্ত্ৰীক আদৰাৰ প্ৰস্তুতি প্ৰায় সম্পূৰ্ণ হৈছে ৷ আটকধুনীয়াকৈ সজোৱা হৈ মিহিমুখৰ প্ৰৱেশ পথ ৷

Happy to inaugurated the tourist seating area and fence of the premises constructed by Golaghat West Development Block under the 2nd installment of UNTIED Fund (FY 2022-23) along the national highway at Kohora in Kaziranga.

Hon'ble Minister Shri @cmpatowary, BJP District… pic.twitter.com/Ted1oZ5ozg

— Atul Bora (@ATULBORA2) March 7, 2024

Also Read: দৰং ৰাজ্যৰ প্ৰতিষ্ঠাপক ৰজা ধৰ্মনাৰায়ণ দিৱস পালন...