ডিজিটেল সংবাদ গোলাঘাটঃ নুমলীগড় শোধনাগাৰ শাখা সাহিত্য সভাৰ নিয়মীয়া "অন্তৰংগ গধূলি" যোৱা ২৭ জুলাইত শাখাৰ কাৰ্যালয়ত অনুষ্ঠিত হৈ যায়। এই অনুষ্ঠানত মুখ্য অতিথি হিচাপে অংশলয় সাহিত্য অকাডেমি বঁটা প্ৰাপক "মৰিয়াহোলা"ৰ লেখক জয়ন্ত মাধৱ বৰাই।
উক্ত অনুষ্ঠানত সাহিত্যিকগৰাকীৰ লগত বাৰ্তালাপ কৰাৰ লগতে তেওঁ শাখা সাহিত্য সভাৰ সভাপতি হেমন্ত কুমাৰ নাথৰ" সখী হে" গ্ৰন্থখন উন্মোচন কৰে। উক্ত অনুষ্ঠানত সুৰেন্দ্ৰ মোহন দাসে বিশিষ্ট অতিথি হিচাপে অংশ লয়।
শাখাৰ উদ্যোগত দশম শ্ৰেনী উত্তীৰ্ণ কৃতি ছাত্ৰ-ছাত্ৰীৰ অভিনন্দন অনুষ্ঠানটি সম্পন্ন হয়। উক্ত অনুষ্ঠানতে গোলাঘাটৰ এগৰাকী বিশিষ্ট সাহিত্যিক মাখন লাল বাঢ়ৈক শাখাৰ তৰফৰ পৰা সম্বৰ্ধনা জনোৱা হয়।
অনুষ্ঠানত শোধনাগাৰ জেষ্ঠ বিষয়া হেমন্ত কুমাৰ নাথ, ড০ কাজল শইকীয়া, জ্যোতিভূষন শৰ্মা আদিয়ে অংশ লয়। এই দুয়োটা অনুষ্ঠানত শাখাৰ তৰফৰ পৰা সম্পাদক অজিত কুমাৰ দাস, প্ৰাক্তন সম্পাদক সংগম পঞ্চানন, দিলীপ শইকীয়া, গজেন্দ্ৰ নাথ দাস, পত্ৰিকা সম্পাদক প্ৰণৱজ্যোতি শইকীয়া, সাংস্কৃতিক সম্পাদক মনোজ কুমাৰ দাস আদিয়ে অংশ লয়।
