ডিজিটেল সংবাদ, কাজিৰঙাঃ বিশ্ব পৰিৱেশ দিৱসৰ লগত সংগতি ৰাখি কাজিৰঙা ৰাষ্ট্ৰীয় উদ্যান আৰু ব্যাঘ্ৰ সংৰক্ষণ বনাঞ্চল কৰ্তৃপক্ষই আৰম্ভ কৰিছে এক সজাগতা অভিযান ৷ কেন্দ্ৰীয় চৰকাৰৰ "মিচন লাইফ ” প্ৰকল্পৰ উদ্যোগত কাজিৰঙা ৰাষ্ট্ৰীয় উদ্যান আৰু ব্যাঘ্ৰ সংৰক্ষণ বনাঞ্চল কৰ্তৃপক্ষই আৰম্ভ কৰিছে “লাইফ ষ্টাইল ফৰ এনভাৰ’মেন্ট” শীৰ্ষক সজাগতা অভিযান ৷
একাংশ স্বেচ্ছাসেৱী সংস্থাৰ সহযোগত যোৱা ১৪ মে'ৰ পৰা কাজিৰঙা ৰাষ্ট্ৰীয় উদ্যানৰ দাঁতিকাষৰীয়া শিক্ষানুষ্ঠান সমূহত সজাগতা অভিযান আৰম্ভ কৰিছে ৰাষ্ট্ৰীয় উদ্যান কৰ্তৃপক্ষই ৷ ইয়াৰে অংশ হিচাবে অহা ২ জুনত বোকাখাতত অনুষ্ঠিত হ’ব “ক্ৰচ কান্ট্ৰি” মাৰথান প্ৰতিযোগিতা ৷
গোলাঘাট নগাঁও আৰু কাৰ্বিআংলঙ জিলা সামৰি অনুষ্ঠিত হ’ব লগীয়া মাৰথান প্ৰতিযোগিতা পুৰুষ আৰু মহিলাৰ বাবে দুটা ভাগত অনুষ্ঠিত হ’ব ৷ অহা ৫ জুনৰ বিশ্ব পৰিবেশ দিৱসত বিশেষ কাৰ্যসূচীৰে সামৰণি হ’ব এই সজাগতা অভিযানৰ ৷
