ডিজিটেল সংবাদ,ঘিলাধাৰীঃ কৃষকৰ কৃষিভূমিত গেছ পৰিবাহী পাইপ স্থাপনৰ কাৰণে এক্সেভেটৰে মাটি খন্দাক লৈ গোলাঘাটৰ আঠখেলীয়া বাৰীচোৱা গাঁৱত এক উতপ্ত পৰিস্থিতি সৃষ্টি হয়৷ গাঁওখনৰ ভালেকেইজন কৃষকে বৰ্তমানলৈকে ক্ষতিপূৰণ লাভ নকৰা লগতে ইন্দ্ৰধনু গেছ গিট লিমিটেড নামৰ কোম্পানীটোৱে জাননী নিদিয়াকৈ কৃষকৰ মাটিত বলপূৰ্ৱকভাৱে কাম কৰিবলৈ চেষ্টা কৰা বুলি কৃষকসকলে গুৰুতৰ অভিযোগ উত্থাপন কৰিছে৷
দেওবাৰে বিয়লি সংশ্লিষ্ট কোম্পানীটোৱে আৰক্ষী-চিআৰপিএফ মোতায়েন কৰি তেঁওলোকৰ মাটিত খনন কাৰ্য চলোৱাত কৃষক আৰু নিৰাপত্তাৰক্ষীৰ মাজত হতাহতি সৃষ্টি হোৱাত এক উতপ্ত পৰিস্থিতি সৃষ্টি হয়।
