'আমাক পানী লাগিবই' : বাল্টি কলহ বজাই প্ৰতিবাদ কাজিৰঙাৰ একাংশ মহিলাৰ

পশ্চিম কাজিৰঙা গাঁও পঞ্চায়তৰ যোগেদি বোকাখাতৰ জনস্বাস্থ্য কাৰিকৰী বিভাগক এই বিষয়ে অৱগত কৰাৰ পাছতো বিভাগটোৱে মেৰামতিৰ ব্যৱস্থা ন’ললে ৷ যাৰ ফলত বিহুৰ সময়ত এটুপি বিশুদ্ধ খোৱা পানীৰ বাবে হাহাকাৰ কৰিব লগিয়া হ’ল স্থানীয় ৰাইজ
'আমাক পানী লাগিবই' : বাল্টি কলহ বজাই প্ৰতিবাদ কাজিৰঙাৰ একাংশ মহিলাৰ

ডিজিটেল সংবাদ,কাজিৰঙা : 'আমাক পানী লাগিবই' ৷ এই দাবীৰে ওলাই আহিল কাজিৰঙাৰ একাংশ মহিলা। দীৰ্ঘদিন ধৰি পানী যোগান বন্ধ হৈ থকাত বাল্টি কলহ বজাই প্ৰতিবাদ সাব্যস্ত কৰে কাজিৰঙাৰ পিলখানাৰ একাংশ মহিলাই ৷

মহিলাসকলৰ অভিযোগ যে, প্ৰায় ১২ দিন ধৰি এলেকাটোত বন্ধ হৈ আছে পানী যোগান। জনস্বাস্থ্য কাৰিকৰী বিভাগৰ অন্তৰ্গত কহঁৰা পানী যোগান প্ৰকল্পটো বিকল হৈ পৰাৰ বাবে বন্ধ হৈ পৰে পানী যোগান ৷

ৰাইজৰ অভিযোগ এই যে, পশ্চিম কাজিৰঙা গাঁও পঞ্চায়তৰ যোগেদি বোকাখাতৰ জনস্বাস্থ্য কাৰিকৰী বিভাগক এই বিষয়ে অৱগত কৰাৰ পাছতো বিভাগটোৱে মেৰামতিৰ ব্যৱস্থা ন’ললে ৷ যাৰ ফলত বিহুৰ সময়ত এটুপি বিশুদ্ধ খোৱা পানীৰ বাবে হাহাকাৰ কৰিব লগিয়া হ’ল স্থানীয় ৰাইজ ৷

তাৰপাছতো কাণসাৰ নাই সংশ্লিষ্ট বিভাগটোৰ ৷ উপায়হীন লোকসকলে খোৱা-ধোৱা সকলো কামতে ব্যৱহাৰ কৰিব লগিয়া হৈছে নদীৰ প্ৰদূষিত পানী ৷ এনে পৰিস্থিতিত চৰকাৰৰ প্ৰতি ভুক্তভোগীসকলে অতি সোনকালে চৰকাৰে পানী যোগান ব্যৱস্থা নিয়মীয়া কৰি ৰাইজক বিপদ মুক্ত কৰিবলৈ অনুৰোধ জনাইছে ৷

'আমাক পানী লাগিবই' : বাল্টি কলহ বজাই প্ৰতিবাদ কাজিৰঙাৰ একাংশ মহিলাৰ
কুমাৰীকাটাত সদৌ বিটিআৰ গৰিয়া মৰিয়া দেশী ছাত্ৰ সন্থাৰ অধিৱেশনৰ লাইখুঁটা স্থাপন

Related Stories

No stories found.
Code:
logo
Asomiya Pratidin
www.asomiyapratidin.in