ডিজিটেল সংবাদ, কামপুৰঃ কামপুৰত বৃহস্পতিবাৰে খাদ্যত বিষক্ৰিয়া হোৱাৰ ফলত ৪ জনকৈ লোক অসুস্থ হৈ পৰে । প্ৰাপ্ত খবৰ অনুসৰি, কামপুৰ মাজৰআটি গাঁৱৰ কেইজন যুৱক মিলি আজি বনভোজ খাইছিল । বনভোজ খোৱাৰ পিছৰে পৰা চাৰিজন যুৱকে ধাৰাসাৰ বমি কৰিবলৈ ধৰাত খাদ্যত বিষক্ৰিয়া হোৱা বুলি সন্দেহ কৰা হৈছে ।
উল্লেখ্য যে বনভোজকাৰী দলটোৱে যিখন ব্যৱসায়িক প্ৰতিষ্ঠানৰ পৰা খাদ্য সামগ্ৰী ক্ৰয় কৰিছিল, সেই দোকানীজনে তেওঁলোকক ম্যাদ উকলা মিঠাতেল দি পঠাইছিল । ম্যাদ উকলা মিঠাতেল ব্যৱহাৰ কৰা বাবেই যুৱক কেইজন অসুস্থ হৈ পৰা বুলি সন্দেহ কৰা হৈছে। অসুস্থ যুৱককেইজন হৈছে পুতু নাথ, হীৰকজ্যোতি ভূঞা, দ্বীপমণি বৰা আৰু চম্পক বৰা । অসুস্থ আটাইতকৈ ততালিকে চিকিৎসালয়লৈ প্ৰেৰণ কৰা হয় ।
