চতিয়াত ভয়ংকৰ অগ্নিকাণ্ড

ডিজিটেল সংবাদ,চতিয়া : চতিয়াত বুধবাৰে নিশা এক ভয়ংকৰ অগ্নিকাণ্ড সংঘটিত হয় ৷ কৰৈয়নী হালধীবাৰী গাঁৱৰ আনচাৰ আলিৰ বাসগৃহৰ ওচৰতে থকা গোহালিত সংঘটিত হয় অগ্নিকাণ্ড ৷

জানিব পৰামতে সন্ধিয়া গোহালিত ধোঁৱা দিয়াৰ সময়তে বেৰত জুই লাগে। ফলত গোহালিৰ ভিতৰতে থকা দুজনী গৰু অগ্নিদগ্ধ হোৱাৰ লগতে গোহালিৰ কাষতে থকা এটা খেৰৰ পুঁজি সম্পূৰ্ণৰূপে ভষ্মীভূত হয় ৷ অৱশ্যে ঘটনাৰ পিচতে অগ্নি নিৰ্বাপক বাহিনীৰ দল উপস্থিত হৈ অগ্নি নিৰ্বাপন কৰিবলৈ সক্ষম হয়।

Also Read: গহপুৰত খহিছে জলসম্পদ বিভাগৰ ২৬ কোটি টকীয়া মথাউৰি