মথুৰাপুৰত শ্বৰ্ট-চাৰ্কিটৰ ফলত অগ্নিকাণ্ড : কথমপি ৰক্ষা পৰে চৰকাৰী নুনি ফাৰ্ম...

ডিজিটেল সংবাদ,চৰাইদেউ : চৰাইদেউ জিলাৰ মথুৰাপুৰত সংঘটিত হৈছে অগ্নিকাণ্ডৰ ঘটনা ৷ বৈদ্যুতিক শ্বৰ্ট চাৰ্কিটৰ ফলত ঐতিহাসিক ধোদৰ আলিৰ কাষতে থকা মথুৰাপুৰ চৰকাৰী নুনি ফাৰ্মত সোমবাৰে বিয়লি অগ্নিকাণ্ডৰ সূত্ৰপাত ঘটে ৷

জানিব পৰা মতে ফাৰ্মখনৰ মাজেদি যোৱা ১১ কেভি বৈদ্যুতিক তাঁৰত গছৰ ডালে স্পৰ্শ কৰাত শ্বৰ্ট চাৰ্কিটৰ দৰে ভয়ংকৰ ঘটনা সংঘটিত হয় ৷ শ্বৰ্ট চাৰ্কিটৰ ফলত ক'লা ধোঁৱা ওলোৱা দেখি স্থানীয় লোকে চাৰিওফালে হুৱা-দুৱা, চিঞৰ-বাখৰ কৰে ৷ 

পিচত ঘটনাস্থলীত মথুৰাপুৰ আৰক্ষী আৰু অগ্নিনিবাৰ্পক লোক উপস্থিত হয় যদিও সকলোৰে প্ৰচেষ্টাত জুই নিৰ্বাপণ কৰিবলৈ সক্ষম হোৱাত সৌভাগ্যক্ৰমে এলেকাত ৰক্ষা পৰে ৷

Also Read: ধুবুৰীত চিলনী চোৰৰ সন্ত্ৰাস