জামুগুৰিহাটৰ চেন্ট থমাছ ইংলিছ স্কুলৰ প্ৰধান শিক্ষয়িত্ৰীক বিদায় সম্বৰ্দ্ধনা...

ডিজিটেল সংবাদ, জামুগুৰিহাটঃ জামুগুৰিহাটৰ ধলাইবিলৰ চেন্ট থমাছ ইংলিছ স্কুলৰ প্ৰধান শিক্ষয়িত্ৰী চুজাতা কুজুৰক শনিবাৰে বিদ্যালয় কতৃপক্ষই ফুলাম গামোচা আৰু শৰাইৰে বিদায় সম্বৰ্দ্ধনা জ্ঞাপন কৰে ৷

দীৰ্ঘদিন ধৰি ধলাইবিলৰ বিদ্যালয়খনত সততা আৰু নিষ্ঠাৰে ছাত্ৰ-ছাত্ৰীক শিক্ষাদান কৰি সেৱা আগবঢ়াই অহা প্ৰধান শিক্ষয়িত্ৰী চুজাতা কুজুৰৰ বিদায় ক্ষণত সহযোগী শিক্ষক-শিক্ষয়িত্ৰীসকলৰ লগতে ছাত্ৰ-ছাত্ৰী আৰু অভিভাৱক সকলক আবেগিক হৈ পৰা পৰিলক্ষিত হয় ৷

সকলোৱে প্ৰধান শিক্ষয়িত্ৰীগৰাকীৰ সু-স্বাস্থ্যও দীৰ্ঘায়ু কামনাৰে প্ৰাৰ্থনা জনায় ৷ বিদায় সম্বৰ্দ্ধনা অনুষ্ঠানটিত ফাদাৰ চুচিল জন চুৰেণ আৰু সহকাৰী ফাদাৰ মাইকেল মুচাহাৰীয়ে অংশগ্ৰহণ কৰে ৷

Also Read: চ্যুকাফা-চকিয়াল যুৱ সমাজৰ উদ্যোগত দুদিনীয়াকৈ বিহু সন্মিলন আৰম্ভ...