চ্যুকাফা-চকিয়াল যুৱ সমাজৰ উদ্যোগত দুদিনীয়াকৈ বিহু সন্মিলন আৰম্ভ...

ডিজিটেল সংবাদ, চৰাইদেউঃ শনিবাৰৰ পৰা চ্যুকাফা-চকিয়াল যুৱ সমাজৰ উদ্যোগত আৰম্ভ হৈছে ৰঙালী বিহু সন্মিলন ৷ দুদিনীয়াকৈ আৰম্ভ হৈছে এই বিহু সন্মিলনৰ ।

ঐতিহাসিক 'শ'-ধোৱা পুখুৰীৰ প্রাঙ্গণত অনুষ্ঠিত হৈছে এই ৰঙালী বিহু সন্মিলন ।

আজি পুৱা উদযাপন সমিতিৰ সভাপতি তথা ১০৬নং সোণাৰি বিধানসভা সমষ্টিৰ সভাপতি ধৰ্মেশ্বৰ কোঁৱৰে পতাকা উত্তোলনেৰে শুভাৰম্ভ কৰে । ইয়াৰ পাছত স্মৃতি তৰ্পণ গছপুলি ৰোপণ কাৰ্যসূচী ৰূপায়িত হয় ।

দুপৰীয়া কণীযুঁজ প্রতিযোগিতা, বিভিন্ন খেল-ধেমালি আৰু কলগছ ভূঁ প্ৰতিযোগিতা অনুষ্ঠিত হয় ৷ এই প্ৰতিযোগিতা উপভোগ কৰিবলৈ যথেষ্ট সংখ্যক ৰাইজ সমবেত হয় ৷ দেওবাৰে সমাপ্তি হ’বলগীয়া এই বিহু সন্মিলনখনত সকলোৱে ৰাইজৰ সহায় সহযোগিতা কামনা কৰিছে ।

Also Read: যৌতুকৰ বাবে বোৱাৰীক অমানুষিক অত্যাচাৰৰ অভিযোগ...