ডিজিটেল সংবাদ,নগাঁও : বাঘৰ আক্ৰমণৰ চাঞ্চল্য মাৰ নৌযাঁওতেই পুনৰ হাতীৰ আক্ৰমণত গুৰুতৰভাৱে আহত এজন লোক ৷ নগাঁও জিলাৰ চামগুৰিৰ বৰদল মিকিৰগাঁৱত দেওবাৰে নিশা সংঘটিত হৈছে এই অঘটন।
বন্যহস্তীৰ আক্ৰমণত গুৰুতৰভাৱে আহত এজন।জানিব পৰা মতে হাতীৰ আক্ৰমনত ব্যক্তিজনৰ ককাল ভাগে ৷ আহত লোকজন বৰদল মিকিৰগাঁৱৰ বিচ'হৰি লোহাৰ।
নিশা আন্ধাৰত বাৰিৰ পিছফালে যোৱাৰ অৱস্থাত বন্যহস্তীয়ে আক্ৰমণ কৰে লোহাৰক। আহত লোহাৰক সংকটজনক অৱস্থাত চামগুৰি প্ৰাথমিক স্বাস্থ্য কেন্দ্ৰৰ পৰা নগাঁও অসামৰিক চিকিৎসালয়লৈ অনা হৈছে ৷ তিনিদিন পূৰ্বে একেঠাইতে বাঘৰ আক্ৰমণত গুৰুতৰভাৱে আহত হৈ চিকিৎসাধীন হৈ আছিল দুজনকৈ লোক ৷
