ডিজিটেল সংবাদ,গুৱাহাটী : বিশ্ব হিন্দু পৰিষদৰ উত্তৰ-পূৱ প্ৰান্তৰ কাৰ্য্যালয় উলুবাৰীৰ বৰঠাকুৰ মিল পথত অৱস্থিত পাঞ্চজন্য ভৱনত শুকুৰবাৰে ৰাম মন্দিৰৰ প্রাণ প্রতিষ্ঠা উপলক্ষে অযোধ্যাৰ শ্ৰীৰাম জন্মভূমি মন্দিৰৰ পৰা অহা অক্ষত কলহ সমূহ উত্তৰ-পূৱ প্ৰান্তৰ ৩৬ খন জিলালৈ বিতৰণ কৰা হয়। অক্ষত কলহ বিতৰণ অনুষ্ঠানত বিশ্ব হিন্দু পৰিষদৰ গুৱাহাটী ক্ষেত্ৰৰ ক্ষেত্ৰ সংগঠন মন্ত্রী ড° দিনেশ তিৱাৰীৰ লগতে বিশ্ব হিন্দু পৰিষদৰ উত্তৰ-পূব প্রান্তৰ সভাপতি পৰমেশ দত্ত, সম্পাদক ব্রজজ্যোতি শর্মা, প্রান্ত সংগঠন মন্ত্রী হাৰসিং টেৰণ, সহঃ সম্পাদক বিধান চন্দ্র দেৱৰয়, সেৱা প্রমুখ মুন্নীন্দ্র ডেকা (মুন) সহঃ গোৰক্ষা প্রমুখ অংকুৰ বেজবৰুৱা উপস্থিত থাকে।
বিতৰণ কাৰ্য্যসূচীৰ আঁত ধৰি ক্ষেত্ৰ সংগঠন মন্ত্রী ড° দিনেশ তিৱাৰীয়ে কয় যে, অক্ষত কলহত থকা অক্ষত চাউল ভগৱান ৰামচন্দ্ৰৰ ফটো, ৰাম জন্মভূমি মন্দিৰৰ পৰা অহা গোহাৰি পত্ৰ উত্তৰ-পূৱ প্রান্ত সমূহ গাঁও, নগৰ, চহৰ, বস্তিত থকা প্ৰত্যেক ঘৰে-ঘৰে অহা ইংৰাজী ১ জানুৱাৰীৰ পৰা ১৫ জানুৱাৰীলৈ বিতৰণ কৰা হ'ব। ৰাম মন্দিৰত ২২ জানুৱাৰীৰ প্ৰাণ প্রতিষ্ঠাৰ প্ৰতি লক্ষ্য ৰাখি ১ জানুৱাৰীৰ পৰা ১৫ জানুৱাৰীলৈ সর্বস্পর্শি, সর্বব্যাপি সম্পর্ক অভিযান চলোৱা হ'ব।
অক্ষত কলহ বিতৰণ অনুষ্ঠানত বিশ্ব হিন্দু পৰিষদৰ উত্তৰ-পূৱ প্ৰান্তৰ ৩৬ খন জিলাৰ সভাপতি, সম্পাদকৰ লগতে ৰাষ্ট্রীয় স্বয়ংসেৱক সংঘৰ জিলা স্তৰৰ কার্যকৰ্ত্তাসকল উপস্থিত থাকে।
