ডিজিটেল সংবাদ, চাবুৱাঃ যোৱা ১০ এপ্ৰিলৰ নিশা ডিকমত আৰক্ষী গাড়ী জ্বলোৱা অভিযোগত নাহৰতলি চাহ বাগিছাৰ তিনি জন যুৱক চাবুৱা আৰক্ষীয়ে বৃহস্পতিবাৰৰ নিশা আটক কৰিবলৈ সক্ষম হৈছে ।
উল্লেখ্য যে যোৱা ১০ এপ্ৰিলত ডিকমৰ বাইপাছৰ পথ দুঘটনাত তিনি গৰাকী চাহ শ্ৰমিক মহিলা মৃত্যু কেন্দ্ৰ কৰি এক উত্তপ্ত পৰিবেশ সৃষ্টি হৈছিল ।
তাৰ পাছতেই একাংশ ৰাইজে প্ৰায় সাত ঘন্টা পথ অৱৰোধ কৰি পৰিবেশ উত্তাল কৰি তুলিছিল ।
তাৰ পিছতেই নিশা একাংশ লোকৰ ছত্ৰছায়াত ডিকম আৰক্ষী বাহন জ্বলাই দি ভয়ঙ্কৰ পৰিবেশ সৃষ্টি কৰি হৈছিল ।
চাবুৱা আৰক্ষীয়ে ইতিমধ্যে আৰক্ষী বাহন জ্বলোৱা অভিযোগত শুকুৰবাৰে তিনি গৰাকী যুৱক আচক কৰে । আটকাধীন যুৱক কেইজন হৈছে ক্ৰমে আকাশ কুমাৰ, মিনাল ভূমিজ, ৰমজান আলি ।
অভিযুক্ত কেইজনক ইতিমধ্যেই মহামান্য জিলা ন্যায়ধিক আদালতলৈ প্ৰেৰণ কৰিছে । চাবুৱাৰ আৰক্ষীয়ে তদন্ত খাটিৰত সংবাদ মাধ্যমৰ আগত বৰ্তমানলৈকে কোনোধৰণৰ মন্তব্য প্ৰদানৰ পৰা বিৰত আছে ।
