ডিজিটেল সংবাদ, চাবুৱাঃ যুগ যুগ ধৰি বাগিচাসমূহত চৰকাৰী আঁচনিৰ ৰূপায়ণৰ ক্ষেত্ৰত বঞ্চনা কৰি অহাৰ অভিযোগ উত্থাপিত হৈ আহিছে । এনে অভিযোগৰ বিপৰীতে এইবাৰ তৎপৰ হৈ পৰিছে চাবুৱা সমষ্টিৰ বিধায়ক পোনাকন বৰুৱা ।
পানীতোলা খণ্ড উন্নয়ন বিষয়াৰ কাৰ্যালয়ত শুকুৰবাৰে চাবুৱা সমষ্টিৰ প্ৰায় ৩০ খন চাহ বাগিচাৰ পৰিচালকসকলৰ সৈতে আলোচনাত মিলিত হয় বিধায়কগৰাকী ।
অসম চৰকাৰে চাহ বাগিচাৰ চাহ শ্ৰমিক সকলৰ কাৰণে লোৱা নতুন আঁচনি সন্দৰ্ভত বাগিচাৰ পৰিচালকসকলক অৱগত কৰে বিধায়কগৰাকীয়ে । লগতে তেওঁলোকৰ পৰা সহযোগীতা বিচৰাৰ উদ্দেশ্যেৰে সভাখন অনুষ্ঠিত হয় ।
আনহাতে প্ৰতিখন চাহ বাগিচাত নিৰ্মাণ হ'ব লগা আদৰ্শ হাইস্কুল আৰু অঙ্গনবাড়ী চেন্টাৰ নিৰ্মাণত বাগিছা কতৃপক্ষই সহাৰি জনাই সেই সন্দৰ্ভতো এক দীঘলীয়া আলোচনাত মিলিত হয় বিধায়কগৰাকী ।
লগতে চাহ উদ্যোগৰ দুশ বছৰীয়া যাত্ৰাৰ আয়োজন সন্দৰ্ভতো উক্ত সভাতেই আলোচনা হয় ।
