ডিজিটেল সংবাদ ধুবুৰীঃ ধুবুৰীত এগৰাকী কিশোৰীক প্ৰায় ৫৫ বছৰ বয়সীয়া এজন লোকে যৌন নিৰ্যাতনৰ চেষ্টা চলোৱা ঘটনাই চাঞ্চল্যৰ সৃষ্টি কৰিছে। আৰক্ষীৰ এটি সূত্ৰই আজি সদৰী কৰা অনুসৰি মিনাৰ উদ্দিন হক নামৰ লম্পটে এগৰাকী নাবালিকা ছোৱালীক ফুচুলাই নি শৰীৰত হাত দিয়াৰ লগতে ধৰ্ষণৰ অপচেষ্টা কৰিছিল।
অৱশ্যে নাবালিকা ছোৱালীজনীয়ে চিঞৰ-বাখৰ কৰাত মীনাৰ উদ্দিন হক নামৰ লোকজন পলাই যায়। পিচত পৰিয়ালৰ লোকক নাবালিকাগৰাকীয়ে সমগ্ৰ ঘটনাৰ বিৱৰণ দিয়াত স্থানীয় ৰাইজৰ সহযোগত মঙ্গলবাৰে নিশা মীনাৰ উদ্দিন হকক আটক কৰি উত্তম মাধ্যম দি খবৰ দিয়ে আৰক্ষীক।
ঘটনাস্থলীত ধুবুৰীৰ এ এম কো ৰোড আৰক্ষী চকীৰ এটি দলে উপস্থিত হৈ মিনাৰ উদ্দিন হকক আৰক্ষীয়ে আটক কৰি ধুবুৰী সদৰ থানাত লৈ লৈ আনে। ঘটনা সন্দৰ্ভত আৰক্ষীয়ে তদন্ত অব্যাহত ৰাখিছে।
