ডিজিটেল সংবাদ,গৌৰীপুৰ : ধুবুৰী ৰে'ল ষ্টেচনত সংঘটিত হৈছে এক ভয়ংকৰ দুৰ্ঘটনা। বৃহস্পতিবাৰে ধুবুৰী ৰে'ল ষ্টেচনত নামনিমুৱা ৰাজ্যৰাণী এক্সপ্রেছৰ ইঞ্জিনৰ খুণ্ডাত এগৰাকী বৃদ্ধা নিহত হয়। জানিব পৰামতে ৰে'লখনৰ ইঞ্জিন সলোৱাৰ সময়ত বৃদ্ধা এগৰাকীয়ে ইঞ্জিনৰ আগত জপিয়াই আত্মহত্যা কৰে।
মৃত বৃদ্ধাগৰাকীৰ নাম ফৰিদা বেৱা (৫৭) আৰু তেওঁৰ ঘৰৰ ঠিকনা ধুবুৰী পৌৰসভাৰ ১০ নম্বৰ ৱাৰ্ডত বুলি জানিব পৰা গৈছে। ইতিমধ্যে এই ঘটনাক কেন্দ্ৰ কৰি ধুবুৰী সচেতন মহলত এক বিৰূপ প্ৰতিক্ৰিয়াৰ সৃষ্টি হৈছে।
বৃদ্ধাগৰাকীয়ে কিয় এনেদৰে আত্মহত্যা কৰিলে এতিয়াও সবিশেষ তথ্য পোহৰলৈ অহা নাই। উল্লেখ্য যে কিছুদিন পূৰ্বেও একে স্থানতে সংঘটিত হৈছিল অনুৰূপ ঘটনা।
