ডিজিটেল সংবাদ,ধেমাজি : অহা ১৯ এপ্ৰিলত অসমত অনুষ্ঠিত হ'ব লগা প্ৰথম পৰ্যায়ৰ লোকসভা নিৰ্বাচনকলৈ ধেমাজি জিলা প্ৰশাসন তথা নিৰ্বাচনী বিভাগে তৎপৰ হৈ পৰিছে ৷ মঙ্গলবাৰে জিলা নিৰ্বাচনী বিভাগৰ উদ্যোগত ধেমাজি মহাবিদ্যালয়ত ধেমাজি আৰু চিচিবৰগাঁও বিধানসভা সমষ্টিৰ মুঠ ৩৯৩ টা ভোটগ্ৰহণ কেন্দ্ৰৰ প'লিং আৰু প্ৰিজাইডিং বিষয়াসকলৰ প্ৰশিক্ষণ অনুষ্ঠিত হয় ৷
প্ৰশিক্ষণ অনুষ্ঠানৰ শুভাৰম্ভ কৰে ধেমাজি জিলা আয়ুক্ত অংকৰ ভৰালীয়ে ৷ জিলা উন্নয়ন আয়ুক্ত বিশ্বিৎ ফুকনে আঁত ধৰা প্ৰশিক্ষণত জিলাৰ অতিৰিক্ত জিলা আয়ুক্ত ড° সঞ্জীৱ ফুকনকে ধৰি বহুকেইগৰাকী বিষয়া কৰ্মচাৰীয়ে উপস্থিত থাকে ৷
