ডিজিটেল সংবাদ ধেমাজিঃ সমগ্ৰ দেশৰ লগতে ধেমাজি জিলা প্ৰশাসনৰ উদ্যোগত ধেমাজি কাছাৰী ময়দানত ৭৭ তম স্বাধীনতা দিৱসৰ উদযাপনৰ বাবে ইতিমধ্যে প্ৰস্তুতি সম্পূৰ্ণ কৰি তুলিছে ধেমাজি জিলা প্ৰশাসনে৷ পেৰেড অনুশীলনৰ অন্তিম দিনা ধেমাজি কাছাৰী ময়দানত উপস্থিত হৈ প্ৰস্তুতিৰ বুজ লয় ধেমাজি জিলা আয়ুক্ত অংকুৰ ভৰালীয়ে৷
এইবেলি স্বাধীনতা দিৱসৰ পেৰেড গ্ৰাউণ্ডত আৰক্ষী,এন চি চি , স্কাউট এণ্ড গাইড বিভিন্ন শিক্ষানুষ্ঠানৰ বিদ্যালয়ৰ ছাত্ৰছাত্ৰীসহ মুঠ ২৭ টা দলে পেৰে়ত অংশগ্ৰহণ কৰিব৷ ইপিনে স্বাধীনতা দিৱসক লৈ যাতে কোনো দুষ্কৃতিকাৰীয়ে কূটাঘাটমূলক কাৰ্য সংঘটিত কৰিব নোৱাৰে তাৰ বাবে ধেমাজি জিলা আৰক্ষী প্ৰশাসনে দিনে, নিশাই সষ্টম হৈ থকাৰ বিষয়ে মন্তব্য কৰে জিলা আয়ুক্ত গৰাকীয়ে ৷
