কোলাপথাৰ নামঘৰৰ গৃহ নিৰ্মাণৰ লাইখুঁটা স্থাপন

ডিজিটেল সংবাদ,ধেমাজিঃ ধেমাজি নগৰৰ ৬ নং ৱাৰ্ডৰ কোলাপথাৰ নামঘৰৰ আনুষ্ঠানিকভাৱে কোলাপথাৰবাসী ৰাইজে শুকুবাৰে গৃহ নিৰ্মাণৰ লাইখুঁটা স্থাপন কৰে ৷ এই উপলক্ষে ৰাইজে গায়ন-বায়ন আৰু মাঙ্গলিক পৰম্পৰাৰে আশীৰ্বাদলৈ নামঘৰীয়াৰ লগতে বয়বৃদ্ধ আৰু আইসকলে মঙ্গল কামনা কৰে ৷

উল্লেখ্য যে ১৯৫১ চনতেই স্থাপিত হোৱা কোলাপথাৰ নামঘৰটোৰ গৃহ নিৰ্মানৰ বাবে কোনো এখন চৰকাৰ তথা মন্ত্ৰী বিধায়কে এতিয়ালৈকে সাহাৰ্য দিয়া নাছিল ৷ চলিত বৰ্ষতেই ধেমাজি জিলা প্ৰশাসনৰ জৰিয়তে আগবঢ়োৱা ২ লাখ ৫০ হেজাৰ টকা সাহাৰ্য পুঁজিৰ লগতে বাকীখিনি গাওঁখনৰ ৰাইজৰ দান-বৰঙণিৰ কিছু ধন সংগ্ৰহ কৰি নামঘৰটোৰ গৃহ নিৰ্মানৰ কাম প্ৰস্তুতি চলোৱা হৈছে।

ইফালে অনুষ্ঠানত উপস্থিত থকা ভালেকেইজন বিশিষ্ট ব্যক্তিক ফুলাম গামোচাৰে সম্বধৰ্না জনোৱা হয় ৷

Also Read: 'অন্তিম নিৰ্ণয়'লৈ দাদা চাহেব ফাল্কে আইকণ এৱাৰ্ড