ডিজিটেল সংবাদ ধেমাজি: ধেমাজি কাছাৰী ময়দানত শনিবাৰৰ পৰা তিনি দিনীয়াকৈ অনুষ্ঠিত হৈছে পঞ্চম সংখ্যক ৰাজ্যিক আন্তঃবিদ্যালয় ডেচেলাইট টাইকোৱাণ্ড চেম্পিয়নশ্বিপ-২০২৩ ৷ ধেমাজি এচ এফ এচ স্কুলৰ উদ্যোগত আৰু ধেমাজি জিলা টাইকোৱাণ্ড সংস্হাৰ সহযোগত অনুষ্ঠিত হোৱা চেম্পিয়নশ্বিপৰ পতাকা উত্তোলন আৰু বন্তি প্ৰজ্বলনেৰে শুভ উদ্বোধন কৰে অসম চৰকাৰৰ শিক্ষামন্ত্ৰী ডাঃ ৰণোজ পেগুৱে ৷
উদ্বোধনী অনুষ্ঠানত বিশিষ্ট অতিথি হিচাপে উপস্থিত থাকে লখিমপুৰ লোকসভাৰ সাংসদ প্ৰদান বৰুৱা, ধেমাজি নগৰ উন্নয়ন প্ৰাধীকৰনৰ অধ্যক্ষ তুলন কোঁৱৰ, ধেমাজি ছোৱালী মহাবিদ্যালয়ৰ অধ্যক্ষ ড° দীপক বৰগোহাঁই, পশ্চিম মহাবিদ্যালয়ৰ অধ্যক্ষ ললিত দিহিঙীয়া, বিশিষ্ট সমাজ সেৱক নীপ কোঁৱৰ, ডাঃ দিগন্ত ভাগৱতী প্ৰমুখ্যে বহুকেইগৰাকীয়ে ৷
পঞ্চম সংখ্যক ৰাজ্যিক আন্তঃবিদ্যালয় ডেচেলাইট টাইকোৱাণ্ড খেলত ৰাজ্যৰ ১৭ খন জিলাৰ ৩০০ খন বিদ্যালয়ৰ মুঠ ৮০০ প্ৰতিযোগিয়ে অংশগ্ৰহণ কৰিছে ৷
