ডিজিটেল সংবাদ, ধেমাজিঃ ৱাইল্ড লাইফ ক্ৰাইম কন্ট্ৰল ব্যুৰ' আৰু ধেমাজি বন বিভাগৰ যৌথ অভিযানত বুধবাৰে নিশা হাতে-লোটে ধৰা পৰে হাতী দাঁত বিক্ৰী কৰিবলৈ অনা ২ জন ব্যৱসায়ী । ধৃত লোক দুজনৰ পৰা ৩ টাকৈ হাতী দাঁত উদ্ধাৰ কৰা হৈছে ৷
ধেমাজি জিলাৰ ভগৱান চাৰিআলিৰ পৰা গ্ৰেপ্তাৰ হোৱা লোক দুজন হৈছে চিলাপথাৰৰ পূৰ্ণানন্দ য়েইন ওৰফে দিলু (৩৮) আৰু লক্ষীনাথ পাংগিং ৷ এই দুয়োজন লোকে হাতী দাঁত কেইটা বিক্ৰীৰ কৰিব বাবে অনা সময়তে হাতে-লোটে ধৰে ৱাইল্ডলাইফ ক্ৰাইম কন্ট্ৰল ব্যুৰে ৷
আটকাধীন দুয়োজনকে বৃহস্পতিবাৰে বন বিভাগে হাতী দাঁতৰ ব্যৱসায়ৰ বিষয়কলৈ সোধা পোছা অব্যাহত ৰাখিছে ৷ উল্লেখ্য যে তিনিওটা হাতী দাঁতৰ ওজন ২০ কেজিতকৈও অধিক হ'ব ৷
