১৩ সংখ্যক সদৌ অসম আন্তঃ জিলা চাৱ জুনিয়ৰ কাবাডী প্ৰতিযোগিতাৰ সামৰণি

ডিজিটেল সংবাদ ,ধেমাজি: ১ ডিচেম্বৰ পৰা চাৰিদিনীয়াকৈ ধেমাজি কাছাৰী ময়দানত অনুষ্ঠিত হয় ১৩ সংখ্যক সদৌ অসম আন্তঃ জিলা চাৱজুনিয়ৰ কাবাডী প্ৰতিযোগিতা । শিৱ সন্দিকৈ সোৱঁৰণীত ধেমাজি জিলা ক্ৰীয়া সন্থাৰ উদ্যোগত অনুষ্ঠিত ১৩ সংখ্যক সদৌ অসম আন্তঃজিলা চাৱজুনিয়ৰ ১৬ বছৰ অনুৰ্দ্ধ ল'ৰা আৰু ছোৱালীৰ কাবাডী প্ৰতিযোগিতাৰ খেলৰ দেওবাৰে সামৰণি পৰে ৷ দেওবাৰে অনুষ্ঠিত হোৱা চূড়ান্ত প্ৰতিযোগিতাৰ খেলত মৰিগাঁওৰ কাবাডী দলে ৪১পন্ট আৰু তামুলপুৰ কাবাডী দলে ৩৪ পন্ট পায় ৷

ফলত ৭ পন্টৰ ব্যৱধানত তামুলপুৰক পৰাজয় কৰি মৰিগাঁও কাবাডী দল চেম্পিয়ন হয় । ইফালে ১৬ বছৰ অনুৰ্দ্ধৰ ছোৱালী কাবাডী দলত চৰাইদেউ কাবাডী দলে ৩৯ পন্টৰ ব্যৱধানত নাহকটীয়া কাবাডী দলক পৰাজয় কৰি চেম্পিয়ন হয় ৷

উল্লেখ্য যে চৰাইদেউ দলে ৫৪ পন্ট পোৱা বিপৰীতে নাহকটীয়া কাবাডী দলে মাত্ৰ ১৫ পন্ট পাবলৈ সক্ষম হয়।

আৰু পঢ়ক: কেৱল নিৰ্বাচনৰ পূৰ্বে বিতৰ্কিত মন্তব্যৰ বাবে চৰ্চাত কিয় আজমল?