এখন আদৰ্শ মহাবিদ্যালয়ঃ প্ৰতি বুধবাৰে পৰিধান কৰে জাতীয় সাজ

এখন আদৰ্শ মহাবিদ্যালয়ঃ প্ৰতি বুধবাৰে পৰিধান কৰে জাতীয় সাজ

ডিজিটেল সংবাদ,‌ মঙলদৈঃ অলপতে সগৌৰৱে আৰু সফলতাৰে সোণালী জয়ন্তী উদযাপন হৈ যোৱা মঙলদৈ শিক্ষক শিক্ষণ মহাবিদ্যালয়ে ইটো-সিটো দৃষ্টান্তৰে আদৰ্শ স্থাপন কৰাটো সচেতন মহলৰ দৃষ্টিগোচৰ হৈছে ৷ তাৰে ভিতৰত শেহতীয়াভাৱে হৈছে প্ৰতি বুধবাৰে সকলোৱে জাতীয় সাজ পৰিধান কৰি উপস্থিত হয় মহাবিদ্যালয়খনত ৷

উল্লেখ্য যে ৰাজ্য চৰকাৰে প্ৰতি শনিবাৰে কৰ্মচাৰীসকলক জাতীয় সাজ পৰিধান কৰি আহিবলৈ যিটো আহ্বান জনাইছিল সেয়া কাৰ্যতঃ ফুটুকাৰ ফেনত পৰিণত হ’ল ৷ তাৰ বিপৰীতে ঐতিহ্যমণ্ডিত এই শিক্ষানুষ্ঠানখনৰ সকলো শিক্ষক, প্ৰশিক্ষক আৰু কৰ্মচাৰীয়ে নিজা নিজা জাতীয় সাজ পৰিধান কৰি মহাবিদ্যালয়খনত উপস্থিত হৈ এক বৰ্ণাঢ্য পৰিবেশৰ সৃষ্টি কৰে ৷

অধ্যক্ষ তপন কুমাৰ শৰ্মাই জনোৱা মতে শিক্ষকেই যিহেতু ইয়াত প্ৰশিক্ষাৰ্থী, গতিকে এইখন মহাবিদ্যালয় আন শিক্ষানুষ্ঠানতকৈ পৃথক ৷ তেওঁ আৰু কয়, “ আমাৰ শিক্ষক আৰু প্ৰশিক্ষাৰ্থীৰূপী শিক্ষকসকলে ভাল আদৰ্শ দেখুৱালেহে , আমাৰ সমাজখনে অনুকৰণ কৰিব ৷ সেয়ে আমি এইদৰে সকলোৰে সন্মতিত জাতীয় সাজ পৰিধানৰ ব্যৱস্থা কৰিছো ৷ “

উল্লেখ্য যে জাতীয় সাজ হিচাবে পাঞ্জাৱী চোলাৰ স’তে ধুতি বা পায়জামা, মুগা ৰঙৰ মেখেলা, ৰঙা পাৰিৰ চাদৰ, ৰঙা ব্লাউজ, সেইদৰে দখনা আদি পৰিধান কৰা পৰিলক্ষিত হৈছে ৷ আনহাতে দৰঙৰ আন আন শিক্ষানুষ্ঠান সমূহতো এইদৰে অসমৰ আপুৰুগীয়া জাতীয় সাজ প্ৰযোজ্য হোৱাটো কামনা কৰিছে সচেতন মহলে ৷

এখন আদৰ্শ মহাবিদ্যালয়ঃ প্ৰতি বুধবাৰে পৰিধান কৰে জাতীয় সাজ
জাগীৰোডত প্ৰধানমন্ত্ৰীৰ ছেমি কণ্ডাক্টৰ প্ৰকল্পৰ শিলান্যাস

Related Stories

No stories found.
Code:
logo
Asomiya Pratidin
www.asomiyapratidin.in