অমানৱীয় : ৰাতিৰ এন্ধাৰত চুৰি কৰি নিলে ৪১ দিনীয়া দেৱশিশু

ডিজিটেল সংবাদ, দৰং: দৰং- ওদালগুৰি জিলাৰ সীমান্তৰ কছাৰীভেটি টোপ গাঁৱত সংঘটিত হৈছে অমানৱীয় ঘটনা। গাঁওখনৰ ফইজুল হক নামৰ দৰিদ্ৰ মানুহজৰ ঘৰৰ পৰা ৪১ দিনীয়া দেৱশিশুটো চুৰি কৰি লৈ যায় দুষ্ট চক্ৰয় ৷

প্ৰাপ্ত তথ্য মতে, মঙলবাৰে ৰাতি আনুমানিক ৩ বজাত মাকে টোপনিত লালকাল হৈ থকা অৱস্থাত মাকৰ বুকৰ পৰা কোনো দুষ্টচক্ৰই চুৰি কৰি লৈ যায় ৪১ দিনীয়া শিশুটি৷

ঘটনা সন্দৰ্ভত পৰিয়ালৰ লোকে ওৰাং আৰক্ষী থানাত খবৰ দিয়াত ঘটনাস্থলীত উপস্থিত হয় আৰক্ষীৰ এটা দল৷ ঘটনা সন্দৰ্ভত আৰক্ষীয়ে ইতিমধ্যে আৰম্ভ কৰিছে তদন্ত৷ ঘটনাক কেন্দ্ৰ কৰে অঞ্চলটো তীব্ৰ চাঞ্চল্যৰ সৃষ্টি হৈছে৷

Also Read: কঠীয়াতলী সংহত শিশুউন্নয়ন প্ৰকল্পত অনিয়মৰ অভিযোগ