ডিজিটেল সংবাদ, ওদালগুৰিঃ ওদাগুৰিৰ দৈফাং বজাৰৰ মাথি দৈমাৰীৰ বাসগৃহত সংঘটিত হোৱা এনকাউণ্টাৰৰ ঘটনাৰ তদন্তৰ বাবে বৃহস্পতিবাৰে ঘটনাস্থলীত উপস্থিত হয় চি আই ডিৰ দল ৷ অমৃত ভূঞাৰ নেতৃত্বত অহা তিনিজনীয়া দলটোৱে পোনতে ৰৌতা থানাত উপস্থিত হোৱাৰ পিছতে দৈফাঙৰ ঘটনাস্থলী অৰ্থাৎ মাথি দৈমাৰীৰ বাসগৃহত উপস্থিত হয়। বহু সময় ধৰি সোধ পোছ কৰে মাথিৰ লগতে কাষৰীয়া ৰাইজক৷
ইয়াৰ পিছতেই দলটো ওৰাঙৰ পানবাৰীৰ পাচনৈ দাঁতিলৈ ৰাওনা হয়। পাচনৈতেই আৰক্ষীৰ গুলীত নিহত লোকজনক কেনাৰাম বসুমতাৰী বুলি চিনাক্ত কৰি পৰিয়ালক চমাজাই দিছিল আৰক্ষীয়ে ৷ কিন্তু এই ঘটনাত নিহত হৈছিল কেনাৰামৰ সহযোগী ডিম্বেশ্বৰ মুছাহাৰী৷ মৃতদেহ বিভ্ৰাটৰ বাবে পিছত মৃতদেহ খনন কৰি গুৱাহাটীলৈ নিয়া হয় ৷
সমগ ঘটনাৰ সম্পৰ্কত মূখ্যমন্ত্ৰীয়ে চি আই ডি ৰ তদন্তৰ নিৰ্দেশ দিয়াৰ পিছত আজি অমৃত ভুঞাৰ নেতৃত্বত অহা CID ৰ দলে তদন্ত আৰম্ভ কৰিছে আৰু প্ৰায় দুসপ্তাহ সময়ত এই তদন্তৰ প্ৰতিবেদন দাখিল কৰিব বুলি উল্লেখ কৰে৷ ইফালে CID ৰ দলটোৰ সোধপোছৰ সম্পৰ্কত মাথি দৈমাৰীয়ে এইদৰে কয়৷
