ডিজিটেল সংবাদ, মথুৰাপুৰঃ চৰাইদেউ জিলাৰ মথুৰাপুৰ সমীপৰ মাজগাঁও স্থিত বয়োজ্যেষ্ঠ আশ্ৰমত মঙলবাৰে ভাৰতীয় সেনা বাহিনীয়ে বিনামূলীয়া চিকিৎসা শিবিৰ অনুষ্ঠিত কৰে ৷ সেনাৰ অভিজ্ঞ চিকিৎসকে পুৱাৰে পৰা আশ্ৰমত থকা আবাসীসকলৰ লগতে স্থানীয় লোকক চিকিৎসা সেৱা আগবঢ়ায় ৷ এই চিকিৎসা শিবিৰলৈ অঞ্চলটো বহু লোকে বিনামূলীয়া চিকিৎসা কৰিবলৈ হেতা-ওপৰা লগায় ৷
শতাধিক লোকক বিনামূলীয়া চিকিৎসা গ্ৰহণ কৰাৰ লগতে বিনামূলীয়া ঔষধ প্ৰদান কৰে সেনাই ৷ ভাৰতীয় সেনা বাহিনীৰ এনে পদক্ষেপক অঞ্চলবাসীয়ে আদৰণি জনায় ৷ ভাৰতীয় সেনা বাহিনী জয়পুৰস্থিত কেম্পৰ উদ্যোগত অনুষ্ঠিত হয় এই চিকিৎসা শিবিৰ৷
