গছত স্বৰ্গদেউ চাওলুং চ্যুকাফাৰ চিত্ৰ অংকন কৰি চৰ্চাত এজন যুৱক

ডিজিটেল সংবাদ, চৰাইদেউঃ গছত বৰ অসমৰ পিতৃ পুৰুষ চাওলুং চ্যুকাফা চিত্ৰ অংকন কৰি চৰ্চিত হৈ পৰিছে এজন যুৱক। এই যুৱকজন শিৱসাগৰ জিলাৰ বকতা জাপিসজিয়া গাঁৱৰ পৱিত্ৰ বৰুৱা ।

পাটসাঁকো বাইলুং দেওধাই গাঁৱৰ দেওশাল প্ৰাঙ্গনত থকা এজোপা গছত চাওলুং চ্যুকাফাৰ ছবি অংকন কৰে যুৱকজনে । ইয়াৰ পাছতেই বিশেষ ভাৱে চৰ্চাৰ কেন্দ্ৰবিন্দুত পৰিণত হৈছে ছবিৰ লগতে যুৱকজন ।

কোনো আনুষ্ঠানিক চিত্ৰাংকণৰ শিক্ষা গ্ৰহণ নকৰাকৈ সৰুৰে পৰা চিত্ৰ অংকনৰ প্ৰতি ধাউতি থকা যুৱকজনে নিজ চিন্তাৰে বহু উৎকৃষ্ট ছবি আঁকিবলৈ সক্ষম হৈছে । বকতা শলগুৰিৰ নিবাসী কিৰণ বৰুৱাৰ একমাত্ৰ পুত্ৰ পৱিত্ৰ বৰুৱাই মোমায়েকৰ ঘৰতেই থাকি নিজৰ একান্ত প্ৰচেষ্টাৰে ছবি অংকণৰ প্ৰতিভা আয়ত্ব কৰি প্ৰশংসিত হৈছে । ইয়াৰ মাজতে পৱিত্ৰই বহু ছাত্ৰ-ছাত্ৰীক চিত্ৰ অংকনৰ প্ৰশিক্ষণ দি আহিছে ।

Also Read: কেন্দ্ৰীয় গৃহ মন্ত্ৰালয়ে নিষিদ্ধ ঘোষণা কৰিলে মণিপুৰৰ ৯ উগ্ৰপন্থী সংগঠনক