কোকৰাঝাৰৰ মৰেল পুলিচিঙৰ ঘটনাঃ ২ জনক গ্ৰেপ্তাৰ, পলাতক মূল অভিযুক্ত...

• কোকৰাঝাৰৰ মৰেল পুলিচিঙৰ ঘটনাৰ সৈতে জড়িত দুই যুৱকক আটক ৷

• কোকৰাঝাৰ সদৰ আৰক্ষীয়ে পুৱতি নিশা ৩ বজাত অভিযান চলাই মাগুৰমাৰীৰ পৰা অভিযুক্ত যুৱকদ্বয়ক আটক কৰে ৷

• আটকাধীন যুৱকদ্বয় ক্ৰমে মাগুৰমাৰীৰ কৌশিক মণ্ডল আৰু ৰিংকু ৰায় ৷

• ঘটনাৰ মূল অভিযুক্ত ৰজত মণ্ডল সম্প্ৰতি পলাতক ৷

• যোৱা ৩ আগষ্টত মাগুৰমাৰীত ৰজত মণ্ডলৰ নেতৃত্বত উদণ্ড যুৱকৰ দলে গৰুচোৰৰ সন্দেহত ঢাউলিগুৰীৰ মেধা ব্ৰহ্ম আৰু জাওলিয়াপাৰাৰ মুক্তাৰ আলী নামৰ লোক দুজনক নিৰ্মমভাৱে প্ৰহাৰ কৰিছিল ।

• ঘটনাক কেন্দ্ৰ কৰি সৃষ্টি হৈছিল তীব্ৰ প্ৰতিক্ৰিয়া।

• সামাজিক মাধ্যমত ভাইৰেল হৈ পৰিছিল দুই ব্যক্তিক নিৰ্যাতন চলোৱাৰ দৃশ্য।

• দৃশ্য ভাইৰেল হৈ পৰাৰ পাছতে ছাত্ৰ সংগঠন এবিএমছু, এবছু আৰু বনছুৱে ৰজত মণ্ডল সহ ঘটনাৰে জড়িত দোষীক আটক কৰাৰ বাবে জিলা আৰক্ষী প্ৰশাসনক দাবী জনাইছিল ৷

Also Read: ৫০৮ টা ৰে'ল ষ্টেচনৰ পুনৰ নিৰ্মাণৰ আধাৰশিলা স্থাপন...