কোকৰাঝাৰত লায়ন্স ক্লাৱৰ উদ্যোগত বৃহৎ ৰক্ত দান শিবিৰ

ডিজিটেল সংবাদ, কোকৰাঝাৰঃ ৰক্ত দান,জীৱন দান এই উদ্দেশ্যলৈ কোকৰাঝাৰৰ লায়ন্স ক্লাৱ গ্ৰেটাৰে বুধবাৰে বিনেশ্বৰ ব্ৰহ্ম ইঞ্জিনিয়াৰিং কলেজত বৃহৎ ৰক্ত দান শিবিৰৰ আয়োজন কৰে ৷ ৰূপনাথ ব্ৰহ্ম অসামৰিক চিকিৎসালয়ৰ সহযোগত আৰু লায়ন্স ক্লাৱ গ্ৰেটাৰ, কোকৰাঝাৰৰ উদ্যোগত বৃহৎ ৰক্ত দান শিৱিৰ অনুষ্ঠিত হয় ৷

কোকৰাঝাৰৰ লায়ন্স ক্লাৱ গ্ৰেটাৰৰ সভাপতি ৰাজু বৰ্মন, উপ-সভাপতি ডাঃ জুনেকাৰ আলি আৰু সঞ্জয় তিৱাৰীৰ নেতৃত্বত আজি অনুষ্ঠিত হোৱা বৃহৎ ৰক্ত দান শিবিৰত ইঞ্জিনীয়াৰিং কলেজৰ অধ্যক্ষ ড° কে ব্ৰহ্মকে ধৰি শিক্ষক আৰু ছাত্ৰ-ছাত্ৰীসকলে ৰক্ত দান কৰে ৷

আজি সৰ্বমুঠ ৩৫ ইউনিট ৰক্ত সংগ্ৰহ কৰা হয় ৷ ৰক্ত দান শিৱিৰ আনুষ্ঠানিক ভাৱে উদ্বোধন কৰে ইঞ্জিনিয়াৰিং কলেজৰ অধ্যক্ষ ড° কে ব্ৰহ্ম আৰু লায়ন্স ক্লাৱৰ সভাপতি ৰাজু বৰ্মনে ৷ উক্ত অনুষ্ঠানত লায়ন্স ক্লাৱ কোকৰাঝাৰ গ্ৰেটাৰৰ প্ৰতিষ্ঠাপক সভাপতি মোহিত নাহাটা, সাধাৰণ সম্পাদক প্ৰাণেশ দেৱনাথকে ধৰি কেবাগৰাকী সদস্যই অংশগ্ৰহণ কৰে ৷ সংগ্ৰহ কৰা ৩৫ ইউনিত ৰক্ত কোকৰাঝাৰৰ ব্লাড বেংকত জমা দিয়াৰ লগতে ৰক্তদান কৰা সকলোকে লায়ন্স ক্লাৱে একোখনকৈ মানপত্ৰ প্ৰদান কৰে ৷

Also Read: সদনত গুৱাহাটী বিশ্ববিদ্যালয়ৰ কৃত্ৰিম বানপানী প্ৰসংগ উত্থাপন