শ্ৰীমন্ত শংকৰদেৱ সংঘৰ বৰহোলা আঞ্চলিক শাখাৰ ৪৩ সংখ্যক দ্বিবাৰ্ষিক অধিৱেশন

হৰিনামৰ ধবনিত মুখৰ নগাবাট শুকানজানৰ গোবিন্দগিৰি সমন্বয় ক্ষেত্ৰ
শ্ৰীমন্ত শংকৰদেৱ সংঘৰ বৰহোলা আঞ্চলিক শাখাৰ ৪৩ সংখ্যক  দ্বিবাৰ্ষিক অধিৱেশন

ডিজিটেল সংবাদ, বেকাজান : শ্ৰীমন্ত শংকৰদেৱ সংঘৰ বৰহোলা আঞ্চলিক শাখাৰ ৪৩ সংখ্যক দ্বিবাৰ্ষিক অধিৱেশনৰ আজি নগাবাট শুকাজানৰ গোবিন্দগিৰি সমন্বয় ক্ষেত্ৰত সহস্ৰাধিক ভকত -বৈষ্ণৱৰ উপস্থিতৰে আৰম্ভ হৈছে।

এই উপক্ষে আজি পুৱা গোবিন্দগিৰি প্ৰাথমিক নামঘৰত নাম প্ৰসংগ অনুষ্ঠিত হয় । ইয়াৰ পাছতে এঘাৰ বজাত পবিত্ৰ গগৈৰ সভাপতিত্বত বৰহোলা আঞ্চলিকৰ সাহিত্য শাখাৰ মুকলি অধিৱেশন অনুষ্ঠিত হয় । সাহিত্য শাখাৰ অধিৱেশন উদ্বোধন কৰে উপদেষ্টা ৰোহিনী গগৈয়ে আৰু নিদিষ্ট বক্তা হিচাপে ভাষণ প্ৰদান কৰে ডঃ অখিল কুমাৰ গগৈয়ে । দুপৰীয়া বিৰেশ্বৰী ৰাজখোৱাৰ সভাপতিত্বত আই-মাতৃ সমাৰোহ অনুষ্ঠিত হয় । সমাৰোহত ভাষণ প্ৰদান কৰে ময়ূৰী ফুকন আৰু শিশু বক্তা গৌতম শইকীয়াই ।

আনহাতে কাইল দ্বিবাৰ্ষিক পুৱা বৰ্ণিল সাংস্কৃতিক ভাগৱত শোভাযাত্ৰা । দুপৰীয়া মুকলি সভা উদ্বোধন কৰিব শংকৰদেৱৰ সংঘৰ বৰহোলা আঞ্চলিকৰ উপদেষ্টা ডম্বৰুধৰ গগৈয়ে । বিশিষ্ট অতিথি হিচাপে উপস্থিত থাকিব যোৰহাট লোকসভা সমষ্টিৰ সাংসদ তপন কুমাৰ গগৈ, তিতাবৰ সমষ্টিৰ বিধায়ক ভাস্কৰজ্যোতি বৰুৱা, ঠেঙাল কছাৰী স্বায়ত্ত পৰিষদৰ মুখ্য কাৰ্যবাহী প্ৰতাপ কছাৰী ।

উল্লেখযোগ্য অধিৱেশনস্থলীত নগাবাট শুকানজান গাঁৱৰ গোবিন্দগিৰি সমন্বয় ক্ষেত্ৰত সহস্ৰাধিক ভকত বৈষ্ণৱৰ উপস্থিতয়ে উখল-মাখল পৰিৱেশৰ সৃষ্টি কৰিছে।

Related Stories

No stories found.
logo
Asomiya Pratidin
www.asomiyapratidin.in