ডিজিটেল ডেস্কঃ বৰপেটা ৰোডৰ ২৭ নং ৰাষ্ট্ৰীয় ঘাইপথৰ বেকী নৈৰ দলঙৰ সমীপত সংঘটিত হয় এক শোকাৱহ পথ দূৰ্ঘটনা ৷ দূৰ্ঘটনাটোত থিতাতে নিহত হয় দুজন যুৱক ৷ নিশা বেকী দলঙৰ পৰা মটৰ চাইকেলেৰে বৰপেটাৰোডৰ নিজ ঘৰলৈ আহি থকা সময়তে দূৰ্ঘটনাত পতিত হৈ মৃত্যু হয় যুৱক দুজনৰ ৷
নিহত হোৱা যুৱক দুজন বৰপেটাৰোড শিমলাগুৰিৰ চবীন্দ্ৰ চৌধুৰী আৰু জ্যোতিনগৰৰ শ্যাম চৌধুৰী ওৰফে চিন্টু' ৷ জানিবপৰামতে চবীন্দ্ৰ চৌধুৰীয়ে ফাইনেঞ্চ কোম্পানীত কৰ্মৰত হৈ থকাৰ বিপৰীতে চিন্টুৱে প্লাম্বাৰৰ কাম কৰিছিল ৷ পথ দূৰ্ঘটনাত দুজনকৈ যুৱকৰ মৃত্যুৰ ঘটনাই সমগ্ৰ বৰপেটাৰোডত শোকৰ ছাঁ পৰিছে ৷
