গৌৰৱোজ্বল ২২৬ বছৰীয়া বাৰেচহৰীয়া ভাওনা মহোৎসৱৰ ধৰ্মধ্বজা উত্তোলন

গৌৰৱোজ্বল ২২৬ বছৰীয়া বাৰেচহৰীয়া ভাওনা মহোৎসৱৰ ধৰ্মধ্বজা উত্তোলন

মুখ্যমন্ত্ৰীয়ে শুভ উদ্ধোধন কৰিবলগীয়া ভাওনালৈ আহিব দেশৰ গৃহমন্ত্ৰী অমৃত শ্বাহ

ডিজিটেল সংবাদ,জামুগুৰিহাটঃ দেশৰ ভিতৰতে একক বৃহৎ সামাজিক,সাংস্কৃতিক অনুষ্ঠান হিচাপে পৰিচিত জামুগুৰিহাটৰ ঐতিহ্যমণ্ডিত বাৰেচহৰীয়া ভাওনা মহোৎসৱ অহা ৬,৭,৮ আৰু ৯ মাৰ্চত বিস্তৃত কাৰ্যসুচীৰে অনুষ্ঠিত হ'ব ৷শোনিতপুৰ জিলাৰ জামুগুৰিহাটৰ পকামূৰা পথাৰত শনিবাৰে পুৱা এই বাৰেচহৰীয়া ভাওনা মহোৎসৱৰ ধৰ্মধ্বজা উত্তোলন কৰে জামুগুৰিহাটৰ চামধৰা নিৱাসী শতায়ু গৰকা বিশিষ্ট সমাজকৰ্মী কমলা নাথে ৷

এই উদ্দেশ্যে আজি পুৱা ঐতিহ্যমণ্ডিত কালিয়দমন ক্ষেত্ৰ কোচগাওঁৰ পৰা কেইবা শতাধিক ৰাইজে গায়ন-বায়ন,হৰিনাম,আয়তীৰ উৰুলি,শংঙ্খ,ধ্বনিৰ মাজেৰে সাংস্কৃতিক শোভাযাত্ৰা কৰি পকামুৰা পথাৰলৈ লৈ আনে ধৰ্মধ্বজা ৷ ১৭৯৭ চনৰ পৰাই নিৰবিচ্ছিন্নভাৱে জামুগুৰিয়া ৰাইজে অনুষ্ঠিত কৰি অহা এই বাৰেচহৰীয়া ভাওনাই এইবেলি ২২৬ বছত ভৰি দিয়ে ৷

আয়োজক সমিতিয়ে জনোৱা অনুসৰি অহা ৭ আৰু ৮ মাৰ্চত ২১খন খলাত ৪২ খন ভাওনা অনুষ্ঠিত হ'ব আৰু অসমৰ মুখ্যমন্ত্ৰী ড° হিমন্ত বিশ্ব শৰ্মাই এই ভাওনাৰ শুভ উদ্ধোধন কৰিব ৷ ভাওনা মহোৎসৱৰ কাৰ্যসূচীত দেশৰ গৃহ মন্ত্ৰী অমৃত শ্বাহেও অংশ গ্ৰহণ কৰিব বুলি জানিবলৈ দিয়ে ৷

শুভ উদ্ধোধনী অনুষ্ঠানটিত শোণিতপুৰ জিলাৰ উপায়ুক্ত দেৱ কুমাৰ মিশ্ৰ, চতিয়া সমষ্টিৰ বিধায়ক ভৰলী কোঁৱৰ তথা বাৰেচহৰীয়া ভাওনা মহোৎসৱ উদযাপন সমিতিৰ সভাপতি পদ্ম হাজৰিকাই অংশ গ্ৰহণ কৰে ৷

Related Stories

No stories found.
Code:
logo
Asomiya Pratidin
www.asomiyapratidin.in