ডিজিটেল ডেস্কঃ আৰক্ষীৰ উৎকৃষ্ট সেৱা পদক লাভ কৰা আৰক্ষীৰ বিষয়াৰ নাম ঘোষণা কৰা হৈছে। অসম আৰক্ষীয়ে দুগৰাকী বিষয়ালৈ এইবেলি আগবঢ়াইছে আৰক্ষীৰ উৎকৃষ্ট সেৱা পদক। অসম আৰক্ষীৰ বিশেষ শাখাৰ ডি আই জি ৰত্না সিং আৰু গৃহ-অসামৰিক সুৰক্ষাৰ দায়িত্বত থকা জ্যোতি বৰালৈ এই বঁটা আগবঢ়োৱা হৈছে।ইফালে প্ৰতিবছৰৰ দৰে এইবছৰো স্বাধীনতা দিৱসৰ প্ৰাকক্ষণত অসম আৰক্ষীৰ ১৩গৰাকী বিষয়া-জোৱানলৈ আগবঢ়োৱা হৈছে বিশেষ পাৰদৰ্শিতাৰ বঁটা।
ডি আই জি বিজয়গিৰি কুলিগ্ৰাম, আৰক্ষী অধীক্ষক মিহিৰজিত গায়ন, আৰক্ষী অধীক্ষক ৰঞ্জন ভূঞা, আৰক্ষী অধীক্ষক সিংহৰাম মিলি, এছ আই ত্ৰৈলোক্য শৰ্মা, নায়ক, বিজু লহকৰ, এছ আই বিপুল শইকীয়া, নায়ক প্ৰফুল্ল ডেকা, এ এছ আই কামিনী ডেকা, নায়ক শৈলেন কাকতি, পৰিদৰ্শক মনোজ কুমাৰ সিং আৰু নায়ক কান্তা সিংহ, ইনামুল হকক এই বিশেষ পাৰদৰ্শিতাৰ বঁটা আগবঢ়োৱা হৈছে।
উল্লেখ কৰা প্ৰয়োজন যে, বঁটা প্ৰাপ্ত সকলোকে অসম আৰক্ষীৰ সঞ্চালক প্ৰধান জি পি সিঙে সামাজিক মাধ্যমযোগে শুভেচ্ছা জনাইছে।
