ডিজিটেল ডেস্কঃ আজিৰে পৰা বাক্সা জিলাৰ তামুলপুৰত অনুষ্ঠিত হ'ব চতুৰ্থ এছিয়ান খো-খো প্ৰতিযোগিতা। এই প্ৰতিযোগিতাত বিশ্বৰ ৯ দেশে অংগ্ৰহণ কৰিব।
পুৰষ আৰু মহিলা উভয়ে মিলি ১৬ টা দলে প্ৰতিযোগিতাত ভাগ ল'ব। আয়োজক দেশ ভাৰতৰ লগতে প্ৰতিযোগিতাত অংশগ্ৰহণ কৰা দেশসমূহ হৈছে ভূটান, বাংলাদেশ, ইণ্ডোনেছিয়া, ইৰান, মালেছিয়া, নেপাল, ছিংগাপুৰ, দক্ষিণ কোৰিয়া আৰু শ্ৰীলংকা।
উল্লেখ্য যে, অসম খো-খো সন্থাৰ উদ্যোগত আৰু বি টি আৰ প্ৰশাসনৰ সহযোগত এই প্ৰতিযোগিতাখনৰ আয়োজন কৰা হৈছে। আনহাতে ভূটান আৰু ইণ্ডোনেছিয়াৰ খেলেৰে প্ৰতিযোগিতাৰ শুভাৰম্ভ কৰা হ'ব।
২০ মাৰ্চৰ পৰা আৰম্ভ হোৱা প্ৰতিযোগিতাখনিৰ অন্ত পৰিব ২৩ মাৰ্চত। অন্যহাতে উক্ত প্ৰতিযোগিতাখন উদ্বোধন কৰিব বি টি আৰৰ মুৰব্বী প্ৰমোদ বড়োৱে।
