ডিজিটেল সংবাদ, ৰঙিয়া : ৰঙিয়াত শুকুৰবাৰে সদৌ অসম ৰে'লৱে হকাৰ সন্থাৰ বাৰ্ষিক অধিৱেশন অনুষ্ঠিত হয়। ৰে'লৱে কমিউনিটী হলত অনুষ্ঠিত হোৱা অধিবেশনত সমগ্ৰ অসমৰ পৰা প্ৰায় পাঁচ শতাধিক প্ৰতিনিধি সমাবেত হয়।
উল্লেখ্য যে বিভিন্ন সময়ত এই হকাৰসকলে সন্মুখীন হোৱা সমস্যাসমূ্হৰ বিষয়ে সভাত আলোচনা কৰে। মূলতঃ ৰে'লত ব্যৱসায় কৰোতে ৰে'লৱে আৰক্ষীৰপৰা যথেষ্ট হাৰাশাস্তিৰ সন্মুখীন হয় বুলি কয় ।
সভাত বিধায়ক তথা ৰাজ্যিক বিজেপিৰ সভাপতি ভৱেশ কলিতা, মুখ্যমন্ত্ৰীৰ বিশেষ কৰ্তব্যৰত বিষয়া আশুতোষ, শ্ৰম বিভাগৰ বিষয়া পংকজ পাঠক, ৰঙিয়া পৌৰসভাৰ পৌৰপতি অমৰেন্দ্ৰ লহকৰ, সুৱল পালসহ বহু কেইবাগৰাকীও বিশিষ্ট ব্যক্তি উপস্থিত থাকে।
