ডিজিটেল ডেস্কঃ আমিনগাঁওৰ শৰাইঘাট দলঙৰ সমীপত সংঘটিত হয় এক ভয়ংকৰ পথ দুৰ্ঘটনা। তীব্ৰবেগী ট্ৰাকৰ খুন্দাত নিহত বাইক আৰোহী । বৃহস্পতিবাৰে দিনৰ ভাগত সংঘটিত হয় এই ঘটনা।
বাইক আৰোহী গৰাকী দৰং জিলাৰ ছিপাঝাৰ খান্দাহজানৰ মিৰেল জমীৰ বুলি চিনাক্ত হৈছে । যুৱকজন বাইকেৰে গুৱাহাটীলৈ গৈ থকা অৱস্থাত AS 01 AC 1251 নম্বৰৰ ট্ৰাকে মহটিয়াই নিয়ে। AS 13 B 8743 নম্বৰৰ হিৰো গ্লেমাৰ বাইক খন চলাই আছিল মিৰেলে।
সংকটজনক অৱস্থাত যুৱক জনক আমিনগাওঁৰ নাৰায়ানা হস্পিতালত ভৰ্তি কৰোৱা হয় যদিও চিকিৎসাধীন অৱস্থাতে মৃত্যু হয় যুৱক জনৰ । আৰক্ষীয়ে জব্দ কৰে ঘটনা সংঘটিত কৰা বাহনখন। লগতে আটক কৰে চালকজনক। ঘটনা সন্দৰ্ভত তদন্ত অব্যাহত।
