ডিজিটেল সংবাদ, কোকৰঝাৰঃ কোকৰাঝাৰৰ দেৱৰগাঁওস্থিত বড়োলেণ্ড বিশ্ববিদ্যালয়ৰ উপাচাৰ্য লাইশ্ৰাম লাডু সিঙক বিশ্ববিদ্যালয়ৰ সন্মানীয় উপাচাৰ্য পদৰ পৰা অতি শীঘ্ৰে অপসাৰণ দাবী জনাইছে নিখিল বড়ো ছাত্ৰ সন্থাই চমুকৈ এবছুই ৷ উপচাৰ্য গৰাকীক অপসাৰণৰ দাবীত এবছুৰ কোকৰাঝাৰ জিলি সমিতিৰ কৰ্মকৰ্তাই বুধবাৰে বড়োলেণ্ড বিশ্ববিদ্যালয় সন্মুখত লাইশ্ৰাম লাড্ডু সিং গ’ বেক , উই ৱান্ট জাষ্টিছ আদি বিভিন্ন শ্লোগান দি তীব্ৰ প্ৰতিবাদ সাৱ্যস্ত কৰে ।
উল্লেখ্য যে, ইতিপূৰ্বে মুখ্যমন্ত্ৰীৰ তদাৰকীক শাখাই বিত্তীয় অনিয়মৰ লগতে বিভিন্ন ধৰণৰ খেলিমেলি সংঘটিত কৰাৰ অভিযোত ২০২২ ৰ ৩০ মেত এটা গোচৰ পঞ্জীয়ন কৰিছে ৷ উক্ত গোচৰৰ ভিত্তিত উপাচাৰ্য সিঙৰ বিৰুদ্ধে ভাৰতীয় দণ্ডবিধি আইনৰ ১৯৮৮ পিচিৰ অধীনত ০১/২০২২ ইউ/এছ১২০বি/৪২০/৪০৯ আইপিচি আৰ/ডব্লিউ ছেকছন ১৩(এ)/১৩(২) ধাৰাবোৰ জাপি দিয়া হৈছে । ইয়াৰ পাছতে উপাচাৰ্য গৰাকীয়ে উচ্চ ন্যায়ালয়ৰ পৰা জামিন লৈ গ্ৰেপ্তাৰৰ পৰা হাত সাৰি আছে ।
ইপিনে বড়োলেণ্ড বিশ্ববিদ্যালয়ৰ বিৰুদ্ধে বিভিন্ন ধৰণৰ ষড়যন্ত্ৰত লিপ্ত থকা বুলি অভিযোগ কৰি এবছুৰ কোকৰাঝাৰ জিলা সমিতিৰ শিক্ষা সম্পাদক বিনয় বসুমতাৰীয়ে আতি শীঘ্ৰে বড়োলেণ্ড বিশ্ববিদ্যালয়ৰ উপচাৰ্য ড° লাইশ্ৰাম লাডু সিঙক অপসাৰণ কৰি নতুন এগৰাকী উপচাৰ্য নিয়োগ কৰাৰ দাবী জনায়।
