৯ দিনীয়া শিৱপুৰাণ মহাযজ্ঞ আৰম্ভ...

ডিজিটেল সংংবাদ, জামুগুৰিহাটঃ জামুগুৰিহাটৰ তৌভঙাৰ তৰাজান গাঁৱত ৯ দিনীয়া কাৰ্যসূচীৰে আয়োজন কৰা হৈছে শিৱ পুৰাণ মহাযজ্ঞ ৷

গেৰুৱা হৈছে জীয়া ভৰলীৰ পাৰ ৷ মহাদেৱৰ বন্দনাৰে সুবাসীত হৈছে জামুগুৰিহাট আকাশ বতাহ ৷

২৩ এপ্ৰিলৰ পৰা ১ মে’লৈ অনুষ্ঠিত হ’ব এই মহাযজ্ঞ ৷ আজি প্ৰথম দিনা পুৱা অগনন ভক্ত প্ৰাণ ৰাইজে জল আহৰন কাৰ্য্যসুচীত অংশগ্ৰহণ কৰে ৷

গেৰুৱা বসন পৰিধান কৰি ভক্তপ্ৰাণ ৰাইজে জীয়া ভৰলী নৈৰ পৰা পানী আনিবলৈ যোৱা দৃশ্যই সঁচাকেই মুহিত কৰিছে ভক্তপ্ৰাণ ৰাইজক ৷

নবিল তৰাজান শিৱ মন্দিৰ উন্নয়ন সমিতিৰ উদ্যোগত ৰাইজৰ সহযোগত আয়োজিত শিৱ পুৰাণ মহাযজ্ঞক লৈ অঞ্চলবাসীৰ মাজত ব্যাপক উচাহ উদ্দিপনা পৰিলক্ষিত হৈছে ৷

এই মহাযজ্ঞকলৈ উদ্যোগতা সমিতিয়ে অনাগত দিনটো ভক্তপ্ৰাণ ৰাইজৰ সহায় সহযোগীতা কামনা কৰিছে ৷

Also Read: বজ্রপাতত নিহত পাঁচটাকৈ পশুধনৰ...