বিশ্বনাথত ৩৩ সংখ্যক ৰাজ্যিক জুডো প্ৰতিযোগিতা

ডিজিটেল সংবাদ,বিশ্বনাথ : বিশ্বনাথত দুদিনীয়াকৈ আয়োজন কৰা হৈছে ৰাজ্যিক জুডো প্ৰতিযোগিতা। সেয়ে শনিবাৰৰ পৰা আৰম্ভ হোৱা এই প্ৰতিযোগিতাক লৈ বিশ্বনাথত উখল-মাখল পৰিৱেশে বিৰাজ কৰিছে ৷

২২ আৰু ২৩ জুলাইত বিশ্বনাথৰ হিমালয় ইণ্ডাষ্ট্ৰীত অলিম্পিক খেল জুডোৰ ৩৩ সংখ্যক ৰাজ্যিক প্ৰতিযোগিতা অনুষ্ঠিত হয় ৷ বিশ্বনাথ চেম্পিয়ন মেকাৰ্চ একাডেমীৰ উদ্যোগত আৰু বিশ্বনাথ জিলা জুডো সংস্থাৰ সহযোগত প্ৰথমবাৰলৈ বিশ্বনাথ অনুষ্ঠিত এই জুডো প্ৰতিযোগিতাত ৰাজ্যৰ বিভিন্ন জিলাৰ পৰা অহা প্ৰায় ৫ শতাধিক খেলুৱৈয়ে এই প্ৰতিযোগিতাত ভাগ লয় ৷

আজিৰ অন্তিম তথা মূল খেলখন উদ্ধোধন কৰে বিশ্বনাথৰ বিধায়ক প্ৰমোদ বৰঠাকুৰে। প্ৰতিযোগিতাখনত প্ৰাক্তন খেলুৱৈসকলৰ লগতে বৰেণ্য ব্যক্তিসকল উপস্থিত থাকে ৷ ইয়াৰ উপৰিও উপস্থিত থাকে ৰাজ্যিক জুডো এচোছিয়েচনৰ সভাপতি বাণীব্ৰত দাস আৰু সম্পাদক জাফৰ খান ৷

Also Read: কোকিলকণ্ঠী লতাৰ আদৰ্শক অনুকৰণত ব্যস্ত শিৱসাগৰৰ কিশোৰী...