ডিজিটেল ডেস্কঃ অৰুণাচল প্রদেশৰ পৰশুৰাম কুণ্ডত অঘটন। গা ধুবলৈ গৈ সন্ধানহীন তিনিগৰাকীকৈ লোক। এই তিনিওগৰাকী একেটা পৰিয়ালৰে বুলি জানিব পৰা গৈছে। শুকুৰবাৰে সংঘটিত হৈছে এই ঘটনা।
গা ধুবলৈ গৈ পানীত ডুব যোৱাৰ সন্দেহ কৰা হৈছে। তিনিওগৰাকী তিনিচুকীয়াৰ কাকপথাৰৰ নিৱাসী আছিল। সন্ধানহীন কেইজন মনোজ শ্বাহ আৰু তেওঁৰ পত্নী শুভা দেৱী আৰু শুভা দেৱীৰ মাতৃ।
সন্ধানহীন লোকসকলক বিচাৰি উলিওৱাৰ বাবে বৰ্তমান ঘটনাস্থলীত অনুসন্ধান আৰু উদ্ধাৰ অভিযান চলি আছে।
