ডিজিটেল ডেস্কঃ সোমবাৰে ঘোষণা হোৱা হাইস্কুল শিক্ষান্ত পৰীক্ষাত ১০০ শতাংশ পৰীক্ষাৰ্থী উত্তীৰ্ণৰে সুনাম কঢ়িয়াই আনে গুৱাহাটীৰ দৃষ্টিহীন বিদ্যালয়ে। মহানগৰীৰ বশিষ্ঠস্থিত গুৱহাটী দৃষ্টিহীন উঃমাঃ বিদ্যালয়ৰ পৰা অৱতীৰ্ণ হোৱা ১০০ শতাংশ ছাত্ৰ-ছাত্ৰীয়ে উত্তীৰ্ণ হয় হাইস্কুল শিক্ষান্ত পৰীক্ষাত।
বিদ্যালয়খনৰ মুঠ ৪ গৰাকী ছাত্ৰ-ছাত্ৰী অৱতীৰ্ণ হৈছিল পৰীক্ষাত। ইয়াৰে ৩ গৰাকী লেটাৰ মাৰ্ক সহ প্ৰথম বিভাগত উত্তীৰ্ণ হোৱাৰ লগতে ১ জন দ্বিতীয় বিভাগত উত্তীৰ্ণ হয়। শাৰীৰিক বাধাগ্ৰস্ততাকো নেওচি বিদ্যালয় খনৰ ছাত্ৰ-ছাত্ৰী কেইগৰাকীয়ে যথেষ্ঠ কৰি পৰীক্ষাত সফলতা লাভ কৰে।
উল্লেখ্য যে,হাইস্কুল শিক্ষান্ত পৰীক্ষাৰ ২০২৩ ত মুঠ ৪১৫৩২৪ গৰাকী ছাত্ৰ-ছাত্ৰী অৱতীৰ্ণ হৈছিল। ইয়াৰ ভিতৰত ৯৪৯১৩ গৰাকীয়ে প্ৰথম স্থান, ১৪৮৫৭৩ গৰাকীয়ে দ্বিতীয় স্থান, আৰু ৫৮৩৯৪ গৰাকীয়ে তৃতীয় স্থান লাভ কৰিছে।
