১০২০ দিনৰ অপেক্ষা ! অৱশেষত বিৰাটৰ বেটৰ পৰা আহিল শতক

ডিজিটেল ডেস্কঃ ২০১৯ৰ পিছত ২০২২, সুদীৰ্ঘ অপেক্ষাৰ অন্ত পৰিল। অৱশেষত বিৰাটৰ বেটৰ পৰা আহিল শতকীয়া ইনিংছ। মুঠ ১০২০ দিন অপেক্ষাৰ অন্তত ৰাণ মেচিন হিচাপে পৰিচিত বিৰাটৰ বেটৰ পৰা আহিল তিনিটা সংখ্যাৰ ৰাণ।

২০২০ চনৰ ২৩ নৱেম্বৰত বাংলাদেশৰ বিৰুদ্ধে কলকাতাৰ ইডেন গাৰ্ডেনত অনুষ্ঠিত হোৱা দিবা-নৈশ টেষ্টত শেষবাৰৰ বাবে শতক অৰ্জন কৰিছিল বিৰাটে। তাৰ পিছত ক্ৰিকেটৰ কোনো এটা ফৰ্মেটতে শতকৰ মুখ দেখিবলৈ সক্ষম হোৱা নাছিল বিৰাট। কিন্তু বৃহস্পতিবাৰে ডুবাইত এছিয়া কাপৰ নিয়মৰক্ষাৰ মেচত আফগানিস্তানৰ বিৰুদ্ধে দুৰ্দান্ত ৰূপত দেখা গ'ল বিৰাটক।

মেচখনত কেৰিয়াৰৰ ৭১ তম শতক অৰ্জন কৰিলে বিৰাটে। ইয়াৰ লগে লগে আন্তঃৰাষ্ট্ৰীয় টি-২০ ফৰ্মেটত টীম ইণ্ডিয়াৰ হৈও বিৰাটে সংগ্ৰহ কৰিলে প্ৰথমটো শতক।