ডিজিটেল ডেস্কঃ গৃহযুদ্ধৰে জৰ্জৰিত হৈ আছে চুদান। দেশ খনত আৱদ্ধ হৈ থকা প্ৰায় ৩০০০ ভাৰতীয়ক উদ্ধাৰৰ বাবে ইতিমধ্যে ভাৰতে আৰম্ভ কৰিছে 'অপাৰেশ্যন কাবেৰী'। চুদানৰ পৰা আহি দিল্লী বিমানবন্দৰত উপস্থিত হৈছে একাংশ ভাৰতীয়।
ইয়াৰ মাজৰে হাৰিয়ানাৰ সুখবিন্দৰ সিঙে কয় যে, চুদানত এনে অনুভৱ হৈছিল যেন আমি মৃত্যুশয্যাত আছোঁ। তেওঁ কয় যে, তেওঁৰ ভয় এতিয়াও আঁতৰ হোৱা নাই। এটা কোঠাত আৱদ্ধ হৈ আছিল তেওঁলোক।
আনহাতে চুদানত কৰ্মৰত হৈ থকা উত্তৰ প্ৰদেশৰ এজন যুৱকে কয় যে মৃত্যুৰ পৰা ঘূৰি আহিছো। মই কেতিয়াও চুদানলৈ ঘূৰি নাযাম। মোৰ দেশত যিকোনো কামেই কৰিম, কিন্তু ঘূৰি নাযাও।
উল্লেখ্য যে, চুদানত সেনা আৰু অৰ্ধসামৰিক বাহিনীৰ মাজত হোৱা সংঘৰ্ষত ৪০০তকৈ অধিক লোক মৃত্যু হৈছে। এজন ভাৰতীয়ৰো মৃত্যু হৈছে এই সংঘৰ্ষৰ মাজত। ইতিমধ্যে একাংশ ভাৰতীয়ক উলিয়াই অনা হৈছে যদিও একাংশ এতিয়াও আৱদ্ধ হৈ আছে।
